Намангандаги “Шодиёна” тантаналар мажмуасида “Наманган ифтихори” тақдирлаш маросими бўлиб ўтди. Бу ҳақда “Дарё” мухбири хабар бермоқда.
Фото: Оқилхон Мамажонов
Фото: Оқилхон Мамажонов
Вилоятда илк бор ташкил этилган ушбу тадбирга спорт, маданият, туризм ва ОАВ соҳаларида 2024 йили салмоқли ютуқларга эришган наманганликлар таклиф этилди. Улардан 35 нафарига “Наманган ифтихори” ҳайкалчалари ва пул мукофотлари топширилди.
Фото: Оқилхон Мамажонов
Фото: Оқилхон Мамажонов
Хусусан, мексикалик Рикардо Эспинозани нокаутга учратиб, вақтинчалик WBA чемпионига айланган Муроджон Аҳмадалиев, Парижда бўлиб ўтган Паралимпия ўйинларида олтин, кумуш ва бронза медалларига сазовор бўлган Толиббой Йўлдошев, Нурхон Қурбонова, Кумуш Хўжаева, “Овоз болалар” лойиҳаси ғолиби Қодирхон Валижонов алоҳида эътироф этилди.
Фото: Оқилхон Мамажонов
Фото: Оқилхон Мамажонов
Наманганнинг ўзига хос брендига айланган Халқаро гуллар фестивалини тарғиб этишда муҳим ҳисса қўшиб келаётган туризм вакиллари, журналистлар, блогерлар ва ижтимоий тармоқ фаоллари фаолияти ҳам мамнуният билан тилга олинди.
Фото: Оқилхон Мамажонов
Фото: Оқилхон Мамажонов
Фото: Оқилхон Мамажонов
Маълумот учун, “Наманган ифтихори” мукофоти билан тақдирланганлар орасида “Дарё” нашрининг вилоятдаги мухбири Азизбек Абдувалиев ҳам бор.
Фото: Оқилхон Мамажонов
Изоҳ (0)