Намангандаги 62-халқаро гуллар фестивали жорий йил 21 майдан 21 июнгача, бир ой давом этади. Бу ҳақда вилоят ҳокими Шавкат Абдураззақов маълум қилди, дея хабар беради “Дарё” мухбири Азизбек Абдувалиев.
Олдинроқ бу тадбир 21 майдан 4 июнгача, яъни 15 кун давом этиши кўзда тутилганди.
“Нафақат Бобур боғи, балки ‘Афсоналар водийси’ парки ҳам гулларга бурканади. Бир ой давомида ҳар куни туристлар ва шаҳар меҳмонлари учун турли маданий-кўнгилочар тадбирлар бўлиб ўтади. Мутасаддиларимиз шунга яраша масъулият билан ҳозирлик кўриши керак”, — дея таъкидлаган фестивалга тайёргарлик ишлари билан танишган Шавкат Абдураззақов.
Ташкилотчилар муддат узайтирилиши муносабати билан тадбирга келиши кутилаётган меҳмонлар сони прогнозига ҳам ўзгариш киритди: энди Намангандаги халқаро гуллар фестивалига аввалгидек 3 миллион эмас, балки 5 миллионга яқин меҳмон келиши кутилмоқда.
Изоҳ (0)