“Милан” ва Германия терма жамоасининг собиқ ҳимоячиси Карл-Хайнц Шнеллингер вафот этди.
Икки карра жаҳон чемпионати совриндори, собиқ футболчи 85 ёшида Миландаги шифохонада вафот этди. У умрининг сўнгги йилларида шу шаҳарда яшаган.
Фаолияти давомида Шнеллингер “Кёльн” клуби билан Германия чемпиони бўлди. “Рома” билан Италия кубогини қўлга киритди. “Милан” билан Италия чемпиони ва уч карра Италия кубоги соҳибига айланди. Бундан ташқари, айнан шу клуб билан икки марта Кубок эгалари кубоги ва бир марта Европа кубогини қўлга киритган.
Футболчининг исми “Милан” клубининг Шон-шараф залига киритилган.
Германия терма жамоаси таркибида Шнеллингер 1966 йил Англияда ўтказилган жаҳон чемпионатида иккинчи, 1970 йилда Мексикада ўтказилган жаҳон чемпионатининг учинчи ўринни эгаллади. Умуман олганда, у жамоа учун тўртта турнирда ўйнаган.
Изоҳ (0)