Футбол мутахассиси Игор Коливанов “Монако”нинг “ЦСКА” ярим ҳимоячиси Аббосбек Файзуллаевга қизиқиши ҳақида гапирди.
— “Монако” Аббос Файзуллаевга қизиқаётгани ҳақида хабарлар бор. Бу ҳақда қандай фикрдасиз?
— “ЦСКА”нинг шундоқ ҳам захира ўриндиғида футболчилар камчиликни ташкил қилади. Файзуллаевни ҳам сотишса... Билмадим. Агар кетса, кимнидир сотиб олиш керак.
— Файзуллаевнинг “Монако”га ўтиши тўғри қарор бўлармиди?
— У ўзини Европанинг яхши клубида синаб кўриш ниятида. Қолаверса, “ЦСКА” ҳозир ҳеч нарса учун курашмаяпти. У “Монако” даражасида ўйнаб кета оладими? Масалан, Головин буни эплади. Бир пайтлар унга ҳам саволлар бор эди. У ҳам Файзуллаевнинг ёшида кетган. Менимча, Аббос ҳам буни уддасидан чиқади. У яхши футболчи, тезкор ва техникаси кучли. Унда кучлироқ ўйин кўрсатиш учун ҳамма нарса бор.
— ОАВда Монако Аббос учун “ЦСКА”га 15 миллион евро таклиф қилишга тайёр экани ҳақида гаплар бор. Бу сумма футболчи учун етарлими?
— Агар футболчи бизнинг чемпионатимиздан кетаётган бўлса, нарх нормал. Агар у Миландан кетса, 50 миллион таклиф қилинган бўларди.
— Таққослаш учун “Спартак”Угалде учун 13 млн тўлади.
— Угалде ҳозир ривожланишда давом этмоқда ва у ҳам РПЛни тарк этиши мумкинлиги ҳақида ёзишмоқда. Агар у кетса, унинг ўрнига ўринбосар топиш ҳам қийин бўлади. Сўнгги пайтларда у анча яхшиланди, кўп гол уради ва ҳар бир гол унинг қийматини уч миллионга оширмоқда (кулади).
— Головин “Монако”да ўйнайди. Сизнингча, унинг бу трансферга алоқаси борми? Балки у билан Файзуллаев ҳақида маслаҳатлашишгандир?
— Ҳар ҳолда бизга скаутлар келишди. Менимча, улар Головин билан гаплашишган. У “ЦСКА”да ўйнаганида, Аббос ҳали у ерда эмас эди. Шундай бўлса-да, Саша у ҳақида кўп нарса билади.
— Файзуллаевнинг кетиши “ЦСКА”га қандай таъсир қилади?
— Ҳар қандай яхши футболчининг кетиши ҳар қандай жамоага таъсир қилади. У ўзи ва жамоадошлари учун кўп вазиятлар яратадиган футболчилардан бири. Ҳозирча унинг ўрнига муносиб ўринбосар йўқ. У чапда ҳам, ўнгда ҳам ўйнай олади.
Маълумот учун, Аббосбек Файзуллаевга Франция клубидан ташқари, Испаниянинг “Реал Сосьедад” клуби ҳам жиддий қизиқиш билдирмоқда. Transfermarkt портали ўзбекистонлик ярим ҳимоячини 6 миллион еврога баҳолаган.
Аббосбек Файзуллаев жорий мавсумда “ЦСКА” таркибида 22 та ўйинда майдонга тушиб, 3 та гол ва 6 та ассист қайд этди.
Корея Республикасининг Сеул шаҳрида Осиё футбол конфедерацияси томонидан қитъа футболининг энг яхшиларини тақдирлаш маросимида Аббосбек Файзуллаев Осиёда йилнинг энг яхши ёш футболчиси сифатида эътироф этилди.
Изоҳ (0)