“Фенербаҳче” 33 ёшли “Манчестер Сити” ҳужумкор ярим ҳимоячиси Кевин Де Брюйнега Туркия клубига ўтиши эвазига солиқлардан сўнг ҳафтасига 250 минг фунт стерлинг маош таклиф қилишга тайёр. Бу ҳақда Тhе Times хабар бермоқда.
Манбага кўра, “шаҳарликлар” белгиялик футболчи билан келаси ёзда муддати тугайдиган шартномани яна бир йилга узайтириши мумкинлигини истисно этмайди. Аммо бунинг учун у ҳали ҳам юқори даражадаги ўйин кўрсатишга қодир эканини исботлаши керак. Де Брюйнега “Фенербаҳче”дан ташқари MLS ва Саудия Арабистони клублари ҳам қизиқиш билдирмоқда.
Жорий мавсумда Де Брюйне барча мусобақаларда 16 та ўйинда майдонга тушиб, 2 та гол ва 2 та голли узатма амалга оширган. Transfermarkt порталида келтирилган маълумотларга кўра, футболчининг трансфер қиймати 35 миллион еврога тенг.
Изоҳ (0)