АПЛ. “Манчестер Сити” сафарда “Брайтон”ни тор-мор этди

Футбол бўйича Англия Премьер Лигасининг қолдирилган 29-турида “Манчестер Сити” 25 апрель, пайшанба куни “Брайтон”га қарши баҳс олиб борди.

Учрашувнинг 17-дақиқасида Кевин де Брюйне ҳисобни очди. 26-дақиқада Фил Фоден ҳисобни ишончли кўринишга олиб келди. Биринчи бўлим охирига қадар Фоден дублни расмийлаштирди. 

Иккинчи бўлимда ҳам “шаҳарликлар” ҳужумкор ўйин намойиш этди. 62-дақиқада Хулиан Алварес ҳисобни йирик кўринишга олиб келди. Қолган дақиқаларда дарвозалар ишғол этилмади ва Пеп Гвардиола жамоаси ғалабани расмийлаштирди.

“Манчестер Сити” ушбу ғалабадан сўнг очколари сонини 76 тага етказди ва 2-ўринга кўтарилиб олди.

АПЛ

29-тур баҳси

25 апрель, пайшанба

“Брайтон” – “Манчестер Сити” 0:4

Голлар: 0:1 – 17 де Брюйне, 0:2 – 26 Фоден, 0:3 – 34 Фоден, 0:4 – 62 Алварес.

“Брайтон”: Стил, Велтман (Оффиа, 46), Данк, ван Хекке, Барко, Лаллана (Аденгра, 46), Gross, Модер (Игор Жулио, 56), Балеба, Уэлбек (O‘Маҳони, 75), Жоао Педро.

“Манчестер Сити”: Эдерсон, Уокер (Льюис, 79), Аке, Аканжи, Гвардиол, Бернарду Сильва (Доку, 78), Фоден (Грилиш, 72), Ковачич, де Брюйне (Матеуш Нунеш, 72), Родри (Серхио Гомес, 79), Алварес.

Огоҳлантиришлар: Велтман (35), Балеба (76).