“Fenerbahche” 33 yoshli “Manchester Siti” hujumkor yarim himoyachisi Kevin De Bryuynega Turkiya klubiga o'tishi evaziga soliqlardan so‘ng haftasiga 250 ming funt sterling maosh taklif qilishga tayyor. Bu haqda The Times xabar bermoqda.
Manbaga ko‘ra, “shaharliklar” belgiyalik futbolchi bilan kelasi yozda muddati tugaydigan shartnomani yana bir yilga uzaytirishi mumkinligini istisno etmaydi. Ammo buning uchun u hali ham yuqori darajadagi o‘yin ko‘rsatishga qodir ekanini isbotlashi kerak. De Bryuynega “Fenerbahche”dan tashqari MLS va Saudiya Arabistoni klublari ham qiziqish bildirmoqda.
Joriy mavsumda De Bryuyne barcha musobaqalarda 16 ta o‘yinda maydonga tushib, 2 ta gol va 2 ta golli uzatma amalga oshirgan. Transfermarkt portalida keltirilgan ma’lumotlarga ko‘ra, futbolchining transfer qiymati 35 million yevroga teng.
Izoh (0)