Наманган шаҳар, Темир кўчасида яшаган 1999 йилда туғилган аёл 20 декабрь куни ўзини ва 2021 ва 2023 йилда туғилган ўғил фарзандларини Шимолий Фарғона каналига ташлади. Бу ҳақда Бош прокуратура матбуот хизмати “Дарё”га хабар берди.
Маълум қилинишича, бунга аёл турмуш ўртоғи билан узоқ муддатдан буён бирга яшаб келмаётганидан, ўзаро оилавий келишмовчилик сабабли руҳиятида бўлган ўзгариш сабаб бўлган.
Шу вақтда мазкур ҳудуддан ўтиб кетаётган фуқаролар томонидан икки нафар вояга етмаган бола қутқариб олинган. Кўрсатилган тиббий ёрдам натижасида уларнинг ҳаёти сақлаб қолинган.
Шу куни Наманган вилоят қўриқлаш бошқармаси ходимлари томонидан Шимолий Фарғона каналидан аёл ўлик ҳолда сувдан чиқариб олинган.
Ҳолат юзасидан Наманган шаҳар прокуратураси томонидан Жиноят кодексининг 25,97-моддаси 2-қисми “а, в” бандлари (қасддан одам ўлдириш икки ёки ундан ортиқ шахсни; айбдорга аён бўлган ожиз аҳволдаги шахсни) билан билан жиноят иши қўзғатилди.
- Аввалроқ Андижон вилояти Балиқчи туманида ўғли ўлдириб, каналга ташлаб юборилган эркакнинг мурдаси Фарғона вилоятидан топилганди.
Изоҳ (0)