Савдо-саноат палатаси Навоий вилояти бошқармаси бошлиғининг иккита жиноятда гумонланиши, Тошкент вилоятида жаҳл устида мижозининг сочини калга олиб ташлаган сартарош узр сўриши, Тошкентда ўқувчилар қўлига игна санчиб жазолаб келгани ўқитувчига жиноят иши қўзғатилиши — “Дарё” нашри бугун, 19 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Қашқадарёда 3 магнитудали зилзила содир бўлди
Зилзила эпицентри Тошкентдан 448 километр жанубий-ғарбда жойлашган.
Тошкентда марафон ўтказилиши сабаб бир қатор кўчаларда транспортлар ҳаракати чекланади
“Янги нафас” марафони 21 апрель куни ўтказилади.
Тошкентда экскаватор ёрдамида дарахтни қўпориб олган ниқобли шахслар ушланди
Ҳозирда ҳуқуқбузарларга нисбатан тегишли процессуал чора-тадбирлар амалга оширилмоқда.
Тошкент шаҳридаги Бўрижар канали қирғоғида сайилгоҳ ташкил этилиши мумкин
Пойтахт ҳокими Шавкат Умурзоқов каналнинг қирғоқбўйи ҳудудидаги лойиҳа билан танишди.
Тошкентда Кичик ҳалқа автомобиль йўлининг бир қисми 7 кунга ёпилади
Бунга Юнусобод туманидаги эскирган иссиқ сув тармоғида таъмирлаш ишлари олиб борилиши сабаб бўлмоқда.
Ўзбекистонда аҳолиси энг кўп ҳудуд маълум бўлди
Ҳудудлар кесимида доимий аҳоли сони ҳақида маълумот берилди.
Ўзбекистонда биринчи люкс сайёҳлик поездлари қатнови йўлга қўйилди
2024 йилда 14 та туристик поезд мамлакат бўйлаб ҳаракатланади.
Ўзбекистоннинг 9 та вилоятида яна сел-сув тошқини хавфи эълон қилинди
Республика ҳудудида 20—23 апрель кунлари кучли ёмғир ёғиши кутилмоқда.
Ўзбекистонда кетма-кет 3 ойдан буён автомобиль бозорида фаоллик пасаймоқда
Ҳудудлар бўйича Сурхондарё, Фарғона ва Навоий вилоятларида енгил автомобиллар бозорида савдо ҳажмининг энг катта пасайиш қайд этилган.
Шавкат Мирзиёев Тожикистон Намояндагон мажлиси раиси билан учрашув ўтказди
Томонлар парламентлараро алмашинувни янада фаоллаштириш, кооперация лойиҳаларини қўллаб-қувватлаш масалаларини муҳокама қилди.
Шавкат Мирзиёев Тожикистон бош вазири билан стратегик шериклик муносабатлари масалаларини муҳокама қилди
Олий даражада эришилган барча келишувлар икки мамлакат ҳукуматлари томонидан сўзсиз амалга оширилиши муҳим экани қайд этилди.
Шавкат Мирзиёев ва Эмомали Раҳмон Ўзбекистоннинг Душанбедаги элчихонаси янги биносини очиб берди
Икки мамлакат раҳбарлари элчихона Фахрий меҳмонлар китобига ўз тилакларини ёзиб қолдирди.
Савдо-саноат палатаси Навоий вилояти бошқармаси бошлиғи иккита жиноятда гумонланмоқда
Навоий вилояти прокуратураси томонидан тергов ҳаракатлари олиб борилмоқда.
Тошкент вилоятида жаҳл устида мижозининг сочини калга олиб ташлаган сартарош узр сўради (видео)
Сартарош калга олишдан аввал мижознинг қаерда ишлашини сўраган.
Ўзбекистон ва Тожикистон президентлари Made in Uzbekistan кўргазмаси билан танишди
Давлат раҳбарлари етакчи корхоналар кооперациясини кенгайтириш, ўзаро тажриба ва технологиялар билан алмашиш зарурлигини таъкидлади.
Савдо-саноат палатаси Навоий вилояти бошқармаси бошлиғи иккита жиноятда гумонланаётгани юзасидан расмий изоҳ берилди
У лавозимида фаолиятини давом эттирмоқда.
Тошкентда ўқувчилар қўлига игна санчиб жазолаб келгани ўқитувчига жиноят иши қўзғатилди
Ҳолат юзасидан терговга қадар текширув натижаси эълон қилинди.
Саида Мирзиёева Your ghosts are mine кўргазмасида иштирок этди (фото)
“Кўргазма менда катта таассурот қолдирди”, — деб ёзади Ўзбекистон президенти ёрдамчиси.
Зироат Мирзиёева Фарғонадаги “Меҳрли мактаб” филиалининг ўқувчилари ва педагоглари билан учрашди
“Замин” фонди Васийлик кенгаши раиси ёшларни ўз қобилиятлари ва истеъдодини ривожлантиришга руҳлантирди.
Тошкентда Мудофаа вазирлиги қўшинлари ҳарбий бўлинмаларининг тантанали пиёда юриши ўтказилади
Тантанали пиёда юришлар соат 12:00 да Қуролли кучлар академияси асосий дарвозасидан бошланади.
Изоҳ (0)