Andijon viloyati Baliqchi tumanida o‘g‘li o‘ldirib, kanalga tashlab yuborilgan erkakning murdasi Farg‘ona viloyatidan topildi. Bu haqda Bosh prokuratura axborot xizmati “Daryo”ga xabar berdi.
Unga ko‘ra, 7-iyun kuni soat 17:30 larda Oltiariq tumani Tong massividan oqib o‘tuvchi “X-4” nomli kanalning (Andijon kanali) GK-12 kilometrida joylashgan kichik suv dambasidan shaxsi nomaʼlum murda qotillik alomatlari bilan bilan topilgan. Murda Andijon viloyati, Baliqchi tumanida doimiy ro‘yxatda turuvchi I.Sh. ekani maʼlum bo‘lgan.
Tezkor-tergov guruhi tomonidan Andijon viloyati IIB xodimlari bilan hamkorlikda olib borilgan tezkor-qidiruv tarbirlari davomida, ushbu jinoyat marhumning 2002-yilda tug‘ilgan o‘g‘li tomonidan sodir etilgani fosh bo‘ldi.
Aniqlanishicha, marhum I.Sh. muntazam spirtli ichimliklar ichib yurib, 1990-yilda tug‘ilgan to‘ng‘ich farzandi X.M.ga nisbatan doimiy ravishda shahvoniy tajovuzlar qilib kelgan. Bundan xabar topgan o‘g‘il Qozog‘iston orqali Rossiyadan O‘zbekistonga qaytgan va o‘sha kuni uxlab yotgan otasini bo‘g‘ib, pichoqlab o‘ldirgan.
Shundan so‘ng jasadni “Katta Andijon” magistral kanaliga tashlab kelgan. 29-may kuni Qozog‘iston orqali Rossiyaga qonuniy tartibda chiqib ketgani aniqlangan.
Hozirda holat yuzasidan Jinoyat kodeksining 97-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)