Наманганда ИИБ ходимига пора таклиф этган шахс қўлга олинди. Бу ҳақда “Дарё” мухбири Азизбек Абдувалиев хабар бермоқда.
“Наманган” йўл-патрул хизмат масканида хизмат олиб бораётган ЙПХ инспекторлари томонидан Водий—Тошкент йўналишида ҳаракатланиб келаётган Cobalt русумли автомобиль текширилганида унинг юкхонаси ва салонида хорижда ишлаб чиқарилган пиротехника воситаларини борлигини аниқланиб, қонуний чора кўриш учун Поп туман ИИБга топширилади.
Фото: Наманган вилоят ИИБ ахборот хизмати
Мазкур ҳолат юзасидан терговга қадар текширув ҳаракатлари олиб борилаётган пайтда ушбу пиротехника воситалари эгаси ўзига нисбатан расмийлаштирилган ҳужжатларни суд идораларига юбормаслик ва қонуний чора кўрмаслик эвазига 2000 АҚШ доллари миқдоридаги пора таклиф қилади.
Фото: Наманган вилоят ИИБ ахборот хизмати
Ходимнинг ушбу ҳаракатлар ноқонунийлиги ва жиноий жавобгарлик келтириб чиқариши тўғрисида огоҳлантиришлари наф бермагач, раҳбариятга билдирги билан мурожаат этади ва чора кўришларини сўрайди.
Билдиргига асосан тезкор тадбир ўтказилиб, фуқаро 2000 доллар миқдоридаги пулни Поп туман ИИБ 1-сонли ички ишлар бўлинмаси маъмурий биноси олдида ходимга пора тариқасида берган пайтда ашёвий далиллар билан ушланиб, ҳолат юзасидан ҳужжатлар расмийлаштирилди.
Фото: Наманган вилоят ИИБ ахборот хизмати
Сертификатсиз пиротехника воситаларини Қўқондан Тошкет вилоятига олиб кетаётган шахс шу тариқа яна бир жиноятга қўл урди. Ҳозирда ҳолат юзасидан тергов ҳаракатлари олиб борилмоқда.
Фото: Наманган вилоят ИИБ ахборот хизмати
Изоҳ (0)