Amazon компаниясининг товарларни тарқатиш бўйича еттита марказининг ишчилари 19 декабрь куни иш ташлаш эълон қилди.
Amazon Teamsters касаба уюшмаси буни компания тарихидаги энг йирик иш ташлаш сифатида баҳолади. CNN маълумотларига кўра, компания ҳайдовчилари ҳам иш ташлашга қўшилган.
Норозилик намойишларида Нью Йорк, Атланта ва Сан Франциско каби йирик шаҳарлардаги Amazon компанияси маркази ходимлари иштирок этмоқда.
Amazon Teamsters касаба уюшмаси компания вакилларини музокаралар столига келишга чақириб, ишчилар учун яхши шароитлар яратишни талаб қилмоқда.
Касаба уюшмасининг маълум қилишича, улар Amazon компаниясининг 10 000 га яқин ишчиси манфаатларини ҳимоя қилмоқда. Бу компаниянинг АҚШдаги жами ишчи кучининг 1% дан камроғини ташкил қилади. Қўшма Штатлардаги Amazon тарқатиш марказлари сони 600 дан ошади.
Amazon компанияси мазкур иш ташлаш буюртмалар кўп бўлган байрам мавсумида етказиб бериш вақтлари узайишига олиб келмаслигига мижозларни ишонтирмоқда, деб хабар берди CNN.
Изоҳ (0)