Қирғизистон Вазирлар Маҳкамаси раиси Оқилбек Жапаров 16 декабрь куни лавозимидан озод этилди. Бу ҳақда 24.kg хабар берди.
Маълум қилинишича, Оқилбек Жапаров ўз хоҳишига кўра ариза ёзган. Одилбек Қосималиев Вазирлар Маҳкамаси раиси вазифасини бажарувчи этиб тайинланган. У Оқилбек Жапаровнинг биринчи ўринбосари эди. Президент матбуот хизмати кадрлар ўзгаришига ҳозирча расмий муносабат билдирмаган.
Оқилбек Жапаров 2021 йил 1 июндан 12 октябргача вазирлар кенгаши раисининг ўринбосари лавозимида ишлаган. У бу лавозимни иқтисодиёт ва молия вазири билан бирга олиб борган. 2021 йил 13 октябрдан бошлаб вазирлар кенгаши раиси бўлиб, президент администрациясига ҳам раҳбарлик қилган.
Изоҳ (0)