Қирғизистон Вазирлар Маҳкамаси раиси Оқилбек Жапаров Вазирлар Маҳкамасининг навбатдаги мажлисида қирғизистонликлар СССРда қўйилган омонатларини тиклашлари мумкинлигини маълум қилди.
Вазирлар Маҳкамасининг мазкур қарори билан кафолатланган жамғармалар суммаларини тўлаш шартлари тартиби тасдиқланган.
Ушбу тартибга кўра, Қирғизистон Республикаси, шунингдек, собиқ СССР фуқароларининг нақд пул омонатларини тиклаш омонатчининг 1992 йил 1 январдан бошлаб ўз ҳисобварағидан пул ечиб олгани ёки шахсий ҳисобварағини ёпганидан қатъи назар, тегишли коэффициентлардан фойдаланган ҳолда, уларнинг балансларини индекслаш орқали амалга оширилади, — дейилади хабарда.
Бундан ташқари, ушбу қарор билан “Элдик Банк” ОАЖ Вазирлар Маҳкамасининг Қирғизистон фуқаролари, шунингдек, собиқ СССР фуқароларининг пул жамғармаларини тиклаш бўйича агенти этиб тайинланди.
Изоҳ (0)