“Қирғизкўмир” 2024 йилда Хитойга кўмир экспорт қилишни бошлайди. Бу ҳақда Вазирлар Маҳкамаси раиси Оқилбек Жапаровга таяниб, 24.kg хабар берди.
Кўмир таъминоти тўртта — Оқ-Улоқ, Урмезон, Қора-Кече ва Беш-Burkan конларидан амалга оширилади. 2025 йилгача Норин вилоятида кўмирни бойитиш заводи қурилади. Жапаров 2024 йилда 30 минг тонна битум ишлаб чиқариш, 450 километр йўл асфалтланишини таъкидлади.
“Шимол-жануб йўлидаги Кўк-Арт туннели қуриб битказилади ва автомобиль йўли очилади”.
Бундан ташқари, Вазирлар Маҳкамаси 2026 йилда фойдаланишга топширилиши кутилаётган Балиқчи—Қўчқор темир йўлининг яна 20 километрини қуришни режалаштирган. Хитой—Қирғизистон—Ўзбекистон темир йўли лойиҳасининг техник-иқтисодий асослаши якунланган.
Изоҳ (0)