Қирғизистонда расмийлар ҳар бир мактаб ўқувчиси учун ноутбук сотиб олишни режалаштирмоқда, деб маълум қилди Вазирлар Маҳкамаси раиси Оқилбек Жапаров.
Унга кўра, Вазирлар Маҳкамаси мактабларда рақамли трансформацияни босқичма-босқич йўлга қўймоқда.
Биринчи босқичда ҳар бир ўқитувчини ноутбук билан таъминлаш ва уни қайта тайёрлаш зарур. Ҳар бир шаҳар ва қишлоқдаги ўқитувчилар энг илғор кадрлар бўлиши керак. Сўнг ҳар бир ўқувчига ноутбук сотиб олиш режаланган. Бунда ҳар бир болада шахсий ўқитувчи ва кечаю кундуз билим олиш имконияти бўлади, — деди Жапаров.
Вазирлар Маҳкамаси раҳбари шунингдек, бундан буён республикада STEM фанлари (табиий фанлар) ва инглиз тилини ўқитишда Оксфорд ва Кембриж дарсликларидан фойдаланиш кутилаётганини айтди. Унинг таъкидлашича, “Акилман” президент лицейи аллақачон бундай тизимдан муваффақиятли фойдаланмоқда.
Изоҳ (0)