Қирғизистонда Миллий хавфсизлик қўмитасининг бир неча ходимига нисбатан тергов бошланди. Бу ҳақда МХҚ раиси Қамчибек Ташиев маълум қилди.
Маълум қилинишича, гап 6-бошқармага (МХҚнинг алоҳида муҳим ишлари бўйича бошқармаси) тегишли бир нечта ходим ҳақида кетмоқда.
Бир-икки кунлик манфаат учун эмас, келажак учун ишланг. Давлат манфаати эмас, шахсий манфаатингиз йўлида иш юритаётган бўлсангиз ҳам, барибир ҳаммаси очиқланади. Бу ҳақда эртами-кечми, бугун бўлмаса, эртага ёки индинга маълум бўлади. Орангизда бундан олти ой ёки бир йил аввал 6-бошқармада ишлаб жиноят содир этган икки-уч ходим бор.
Мен тергов ўтказишни буюрдим, яқин кунларда ҳамма нарса маълум бўлади. Ҳаммасини илдизигача ковлаб чиқаман. Агар мен топшираётган ишлар бўйича пора олсангиз, албатта, жавобгарликка тортиласиз. Мен буни беҳуда айтаётганим йўқ. Давлат сиз учун барча зарур шароитларни яратиб бермоқда. Бу сизнинг ҳалол хизмат қилишингиз учун қилинмоқда.
Тан олишим керак, ходимлардан бирортаси қамоққа олинганда юрагим оғрийди, лекин буни қилишга мажбурман. Айнан шу сабабли раҳбарман. Агар кимгадир ачиниб, раҳм қилсам, бизда тартибсизлик бошланиб кетади, деди Ташиев.
Хавфсизлик хизмати раҳбари, шунингдек, бўйсунувчиларни, агар ёрдам керак бўлса, давлат қўмитаси раҳбариятига мурожаат қилишга чақирди. Ташиев унинг эшиклари фаррошлардан тортиб ўринбосарларгача очиқ эканини айтди.
Изоҳ (0)