Гаитида фарзанди сеҳр-жоду туфайли касал бўлганига ишонган “Микано” тўдаси раҳбари Монел Феликс 180 кишини ўлдиртирди. Бу ҳақда Reuters хабар берди.
Маълум қилинишича, Сите-Солей харобаларида Wharf Jeremie тўдаси оммавий қотиллик содир этган. Феликс боласи касаллиги сабабни аниқлаш учун вуду коҳинига мурожаат қилган. Коҳин харобадаги қариялар болага жоду қилгани туфайли у касал бўлганини айтган. Натижада Феликс уларни ўлдиришга буйруқ берган.
Шундан кейин пичоқ билан қуролланган тўда аъзолари 6 декабрь куни камида 60 кишини, 7 декабрь куни эса 50 кишини ўлдирган. Ҳозирда уларнинг сони 180 кишини ташкил этмоқда, қурбонларнинг бари 60 ёшдан ошганлардир. Феликснинг боласи 7 декабрь куни вафот этган.
2022 йилда Феликснинг қўшни Доминикан Республикасига кириши тақиқланганди. Бирлашган Миллатлар Ташкилотининг 2024 йил октябрь ойидаги баҳоларига кўра, унинг Wharf Jeremie номли тўдаси 300 кишини ташкил қилади.
Изоҳ (0)