Қуролли гуруҳлар Гаитининг Порт-о-Пренсдаги асосий қамоқхонасига ҳужум қилиб, юзлаб маҳбусларни озод қилди. Бу ҳақда Gazette Haiti портали ва CNN телеканали маҳаллий ҳокимиятга таяниб хабар берди.
Гаити полиция уюшмаси Х ижтимоий тармоғидаги постида (собиқ Twitter) пойтахтдаги транспорт воситалари ва қурол-яроғларга эга бўлган барча полициячиларни қамоқхона назоратини сақлаб қолиш учун курашда ёрдам беришга чақирди. Ҳозирча жабрланганлар ва қурбонлар ҳақида маълумот берилмаган. Маҳбуслар озод этилганидан кейин қамоқхона қўриқчилари қўйиб юборилган.
Гаити бош вазири Aриел Генри Кения расмийларидан мамлакатга тинчликпарвар контингент юборишни сўраган. Хавфсизлик хизматининг Порт-о-Пренсдаги бир қанча манбалари қуролли гуруҳлар томонидан амалга оширилаётган зўравонликларнинг кучайишини мисли кўрилмаган деб атади.
CNN’нинг Гаити ҳуқуқ-тартибот идораларидаги манбасининг айтишича, жиноий гуруҳлар шаҳар бўйлаб бир неча полиция бўлимларига ҳужум қилиб, камида тўрт кишини ўлдирган ва баъзи станцияларни ёқиб юборган. Аэропорт яқинидаги отишма туфайли авиакомпаниялар Гаитига парвозларни тўхтатишга қарор қилди.
Гаитидаги хавфсизлик вазияти 2021 йилда президент Жовенел Моисенинг ўлдирилишидан кейин анча ёмонлашди. Теlesur телеканали маълумотларига кўра, жиноий гуруҳлар пойтахт ҳудудининг 80 фоизини назорат қилади. Айрим жиноий гуруҳлар ҳукуматни куч билан ағдариш режаларини эълон қилишди.
Изоҳ (0)