Гаитида қуролланган шахслар мамлакатдаги асосий халқаро аэропортни эгаллаб олишга уринди. Ҳодиса пайти полиция билан отишма содир бўлган. Бу ҳақда Associated Press хабар берди.
Гаити ҳукумати пойтахт Порт-о-Пренсда фавқулодда ҳолат эълон қилиб, комендантлик соати жорий қилган.
“4 март куни яхши қуролланган жиноий гуруҳлар Гаитининг асосий халқаро аэропорти устидан назоратни эгаллаб олишга уриниб, уларга қарши курашмоқчи бўлган полиция ва аскарларга ўт очди”, — дейилади хабарда.
Туссен Лувертюра халқаро аэропортига ҳужум расмийлар Порт-о-Пренсда комендантлик соати эълон қилинганидан бир неча соат ўтиб содир бўлган. Ҳодиса юз берганда аэропорт ёпилган ва йўловчилар бўлмаган.
“Учиш йўлагида зирҳли юк машинаси қуролли тўдалар аэропортга киришига йўл қўймаслик уларга қарата ўт очган, ўнлаб ходимлар ва бошқа ишчилар қочиб кетган” — дейди AP ва буни Гаити тарихидаги “энг йирик ҳужум” деб атади.
2 март куни қуролли шахслар миллий қамоқхонага ҳужум қилиб, у ердан 4 минг маҳбусни чиқариб юборганди. Бу Гаити бош вазири бандитизмга қарши курашиш учун халқаро контингентни жойлаштириш бўйича музокаралар олиб бориш мақсадида Кенияга борганидан икки кун ўтгач содир бўлди. “Барбекю” лақабли бандит Жимми Шеризе бош вазир Арие, Анрига қарши уруш эълон қилган. У ҳужумлардан мақсад Гаити полицияси бошлиғи, ҳукумат вазирларини қўлга олиш ва Анрини ҳокимиятдан ағдариш эканини айтмоқда.
Изоҳ (0)