Уилл Смит миллионлаб долларларини нимага сарфлайди: машҳур актёрнинг 10 та асосий харажати

Уилл Смит — киноактёр, продюсер, қўшиқлар муаллифи ва рэпер — қандай қилиб пул ишлашни билади: унинг бойлиги 300 миллион долларга баҳоланади. Смит империяси ва унинг оиласи гуллаб-яшнаши ажабланарли эмас. Бироқ бу одам нафақат катта пул топишни, балки уни катта миқёсда сарфлашни ҳам яхши кўради.

1. Орзудаги уй

Уилл Смит ва Жада Пинкетт Смит барчага ҳақиқий орзудаги уйи қандай бўлишини кўрсатди. Уларнинг Калифорниянинг Калабасас шаҳридаги 42 миллион долларлик саройи шунчалик улканки, уйнинг почта индекси бор. Ҳудудда баскетбол ва теннис кортлари, голф майдони, сузиш ҳавзаси, кўл бор. Уйда, бошқа нарсалар қаторида, катта уй кинотеатри, медитация хонаси ва Жаданинг ток-шоусини суратга олиш учун студия ҳам мавжуд.

2.Автомобильлар коллекцияси

Экранда Уилл Смит тез-тез фантастик автомобилларини ҳайдаб кўришига қарамай, реал ҳаётда у классикаларни ва автомобиль коллекциясига сармоя киритишни яхши кўради. Унда 1965 йилда ишлаб чиқарилган Cadillac Escalade, Bentley Azure ва қизил Ford Mustang кабриолет, Mercedes Benz GL450, Maybach 57, Ford Taurus ва бошқа маркалар мавжуд.

3. Ғилдирак устидаги уй

Кўчма уйлар ва уларнинг кичик сиғимлари ҳақида аввалги нарсаларни унутинг. Уилл Смит 2,5 миллион долларга 130 квадрат метрли мобил уй сотиб олган. Автомобиль-уй энг сўнгги технологиялар билан жиҳозланган ва бутун оила қулай яшаши учун зарур бўлган ҳамма нарсага эга. Уйда телевизорнинг ўзидан 14 та бор, қолганини тасаввур қилаверинг. Баъзан актёр бу уйни ҳафтасига 9000 долларга ижарага беради.

4. Хайрия

Уилл ва унинг рафиқаси кам таъминланган болаларга ёрдам бериш, ёшлар учун таълим лойиҳаларини молиялаштириш ва шаҳар ичидаги жамоаларни ривожлантириш учун “Оила” жамғармасини яратган. 2017 йилда улар Кариб денгизидаги довулдан жабрланган оилаларга ёрдам беришган. Уилл Смит, шунингдек, қийин пайтларда дўстларига кўмак бериши билан танилган.

5. Болалари учун совғалар

Уилл Смит ҳам бошқа меҳрибон ота-оналардан фарқ қилмайди: у учта фарзандини яхши кўради ва уларга тез-тез қимматбаҳо совғалар олиб беради. Мисол учун, Уиллоу Смит отасининг уйларидан бирида яшайди ва шунингдек, совға сифатида Porsche Cayenne Turbo олган. Жайденга отаси Tesla Моdel Х ва бир нечта дизайнерлик кийимларини совға қилган. Айтиш мумкинки, Трей Смит ҳам бу борада қуруқ қолмайди. Аммо Смитнинг болалари отасининг пулини совурадиган текинхўр эмас. Уларнинг барчаси актёр ва ўзлари аллақачон яхшигина пул топишади.

6. Хусусий самолёт ижараси

Уилл Смит эконом-классда учишни ёқтирмайди – у ер тор ва таомлари унчалик мазали эмас. Шундай қилиб, агар биринчи классда учиш имкони бўлмаса, у муаммога дуч келмаслик учун шахсий самолёт ижарага олади. Мисол учун, 2011 йилда у Дубльиндан Манчестерга 50 дақиқалик парвоз учун самолёт ижарага олади. Бу кичик ҳашамат учун у тахминан 12 000 доллар сарфлайди.

7. Баскетбол жамоаси

2011 йилда Смит NBAнинг “Филадельфия Севент Сиксерс” жамоасининг бир қисмини сотиб олади. Айтганча, Филаделфия унинг туғилган шаҳри. Битим миқдори ошкор этилмаган.

8. Теlepool компанияси

2018 йилда Уилл Смит ва директор Марк Форстер Германиянинг Group Telepool компаниясини сотиб олади. Ҳамкорлар келишув миқдорини ошкор қилишмайди, бироқ гап Европадаги энг қадимги ва энг йирик кино лицензиялаш компанияларидан бири ҳақида кетаётгани учун унинг нархи паст бўлиши мумкин эмас. “Марк ва мен Telepool’ни диққат билан кўриб чиқдик ва ақл бовар қилмайдиган обрўга ва катта салоҳиятга эга компания топдик, — дейди Уилл Смит. — Биз Telepool жамоаси билан бизнесни стратегик ривожлантириш учун ноёб имкониятлар ва контент яратиш учун ҳамкорлик қилиш ва ишлашни интиқлик билан кутамиз”.

9. Шахсий киностудия

Уилл Смит сон-саноқсиз блокбастерларда рол ўйнаган, лекин айни пайтда ўзининг фильм ишлаб чиқаришига сармоя киритган. 1997 йилда Жада Смит ва Жеймс Ласситер билан ҳамкорликда Overbrook Entertainment компаниясига асос солган. Компания томонидан “Хитч методи”, “Бахт ортидан қувиб”, “Мен афсонаман”, “Ҳенкок” ва “Асаларнинг сирли ҳаёти” каби фильмлар ишлаб чиқарилган. Бу фильмларнинг деярли барчасида Смит бош ролни ўйнайди.

10. Ёш тадбиркорларга ёрдам

Актёр Dream венчур капитал фондига эгалик қилади ва ўзи ишонган лойиҳаларга ёрдам бериш учун стартапларга сармоя киритади. Бу йил, масалан, у ўсмирларга анъанавий банк тўловларини тўламасдан пул жўнатиш ва қабул қилиш имконини берувчи Step онлайн банкига сармоя киритди. Сармоя миқдори ошкор этилмаган, бироқ Step 22 миллион доллар йиғишга муваффақ бўлгани маълум.