“Liverpul” hujumchisi Muhammad Saloh Angliya chempionatida “Manchester Siti”ga qarshi o‘yindan so‘ng (2:0) klub bilan shartnomasi bo‘yicha vaziyat haqida gapirdi.
“Rostini aytsam, bu haqda men ham o‘ylayapman. Bu “Liverpul” safida “Manchester Siti”ga qarshi maydonga tushgan so‘nggi o‘yinim bo‘lishi mumkin, shuning uchun men undan zavq olishni xohladim. Atmosfera ajoyib edi va men bu yerdagi har bir daqiqadan zavqlanmoqdaman. Umid qilamanki, biz ligada g‘alaba qozonamiz va keyin nima bo‘lishini ko‘ramiz”, deya Saloh so‘zlarini keltiradi Sky Sports.
Misrlik futbolchining “Liverpul” bilan shartnomasi 2025-yilgacha mo‘ljallangan. U 2017-yildan buyon klub safida o‘ynab kelmoqda.
Kecha, 1-dekabr kuni bo‘lib o‘tgan “Manchester Siti”ga qarshi uchrashuvda Saloh jamoasining ikkinchi goliga mualliflik qildi.
Izoh (0)