Англия Премьер-Лигасининг 23-турига келиб Хосеп Гвардиола бошқарувидаги «Манчестер Сити» мавсумдаги илк мағлубиятини қабул қилиб олди.
«Энфилд»да «Ливерпуль» меҳмони бўлган «шаҳарликлар» 3:4 ҳисобида имкониятни бой берди. Томонларнинг Манчестерда ўтган ўйинида «Сити» рақибидан бир киши кўп бўлиб ўйнаб, 5:0 ҳисобида зафар қучганди.
«Ливерпуль»ни Филиппе Коутиньо тарк этган бўлса-да, Клопп жамоасида бу кемтик сезилмади. Олдинга чизиқда ҳаракат қилган Муҳаммад Салоҳ, Роберто Фирмино ҳамда Садио Мане триоси Гвардиола ҳимоячиларига имконият қолдирмади.
Шу тариқа «Сити» Лондоннинг «Арсенал» клуби ўрнатган рекордни янгилай олмайдиган бўлди. «Тўпчилар» 2003/04 йилги мавсумни бирорта ҳам мағлубиятсиз якунлашга эришганди.
«Сити»ни Чемпионлар Лигасининг 6-турида «Шахтёр» ҳам мағлуб этганди. Бироқ бу ўйин «шаҳарликлар» учун у қадар катта аҳамият касб этмаслиги билан ажралиб турарди. Ливерпуллик футболчилар эса принципиал ўйинда АПЛ пешқадамини таслим этишга муваффақ бўлди.
«Арсенал» эса кутилмаган мағлубиятлардан яна бирини қабул қилиб олди. Шу тариқа Венгер жамоаси кучли олтилик ичида энг заифи экани билан ажралиб турибди.
Бугун даҳшатли ўйин: «Ливерпуль» — «Сити». Кеча «Челси» очко йўқотди, «Тоттенҳэм» Руни жамоасига 4 та гол урди
Англия Премьер-Лигаси 23-тур беллашувлари 14 январь, якшанба«Борнмут» — «Арсенал» 2:1
Голлар: Эктор Бельерин, 52 (0:1). Каллум Уилсон, 70 (1:1). Жордан Айб, 74 (2:1).«Ливерпуль» — «Манчестер Сити» 4:3
Голлар: Алекс Окслейд-Чемберлен, 9 (1:0). Лерой Сане, 41 (1:1). Роберто Фирмино, 59 (2:1). Садио Мане, 62 (3:1). Муҳаммад Салоҳ, 68 (4:1). Бернарду Силва, 84 (4:2). Илкай Гюндоган, 92+ (4:3).15 январь, душанба«Манчестер Юнайтед» — «Сток Сити» 01:00
Изоҳ (0)