“Қизил шарбат” сериалининг учинчи мавсумини кутаётган мухлисларни қизиқтирган саволларга жавоб берамиз. Сила Туркўғли реал ҳаётда ҳам ҳақиқий севгисини топа олганми? Доғукан Гунгор Фотиҳга ўхшайдими? Барча тафсилотлар мазкур материалимизда.
Сила Туркўғлу (Доа)
“Қизил шарбат” сериалининг бош қаҳрамони ҳали турмушга чиқмаган. Аммо матбуотдаги миш-мишларга ишониб бўлмайди. Ахир папарацси бирор қизни нотаниш эркак билан бирга кўриши биланоқ, уларни дарҳол “севишганлар” деб эълон қилади.
Мисол учун, “Омонат” сериалида суратга олиш майдончасида унинг шериги бўлган актёр Халил Иброҳим Жайхон билан шундай бўлган. Бироқ иккала актёр ҳам шунчаки дўст эканликларини очиқчасига айтиб, барча уйдирмаларни тезда рад этишди.
2023 йилнинг ёзида Сила Туркўғли Алп Наврўз билан қисқа вақт учрашиб юрди. Уларнинг романи ҳақида интернетда уларнинг Бодрумдаги биргаликдаги дам олишидан олинган суратлар пайдо бўлганида маълум бўлди. Аммо йил охирига келиб йигит ижтимоий тармоқлардан Силанинг барча суръатларини ўчириб ташлади ва ишқий муносабатлари тугаганини тасдиқлади. Ҳозирда актрисанинг ҳаётида тадбиркор Ата Айилдиз пайдо бўлди.
Доғукан Гюнгёр (Фотих)
Доғукан шахсий ҳаётини билдирмасликка ҳаракат қилади, лекин уни гоҳо-гоҳо гўзал хонимлар даврасида тутиб олишади, бу эса, албатта, турли уйдирмаларни келтириб чиқаради. Маълум бўлган нарса фақат шуки, у уйланмаган.
2023 йилда Доғукан “Ҳукмдор Усмон” сериалидаги томошабинларга таниш бўлган актриса Серай Кая билан суратлари тарқалганди. Аммо улар шунчаки дўст эканликларини айтди.
Мужде Узмен (Алев)
Мужденинг барча мухлисларига унинг турмушга чиқмаганлиги яхши маълум. Умуман олганда, актрисанинг шахсий ҳаёти жуда ғалати, чунки у 5 йилини мусиқачи ва блогер Оғужон Угурга бағишлаган. Эр-хотин доимо қаттиқ жанжаллашишади, кейин эса ярашишади.
Бариш Қилич (Омер)
Барич Қилич ўзининг Кивилжимини реал ҳаётда аллақачон топган. 2007 йилдан бери актёр Айшегул Акмедир билан бахтли турмуш қурган. Айтганча, аёлнинг шоу-бизнес оламига ҳеч қандай алоқаси йўқ, илгари у сайёҳлик агентлигида ишлаган, ҳозирда эса бутун вақтини бола тарбиясига бағишлайди. Эр-хотиннинг иккита ўғли бор — Боту ва Амир. Бариш намунали эр ва ота ҳисобланади, шунингдек, у оиласини матбуот ва мухлислар эътиборидан асраб-авайлайди.
Ахмет Мумтаз Тайлан (Абдулла)
Сеттар Танриогеннинг ўрнини эгаллаган актёр — Янги Апо актриса Айчин Инжига уйланган, тўй 2007 йилда бўлиб ўтган. Аммо айни пайтда эркак ажрашган ва ёлғиз.
Сибел Ташчиоғлу (Пембе)
Пембе ролини ўйнаган Сибел Ташчиўғлу шахсий ҳаётини мухлислардан яширмайди. 2016 йилнинг ёзида 40 ёшли актриса Мурат Колчак Костендил билан унаштирилди. Бу воқеанинг энг қизиғи — уларнинг севги тарихи. Улар мактабда бирга ўқиган, бироқ ўқишни тугатгандан сўнг ажралишган. 20 йил ўтгачгина, Сибел ва Мурат яна учрашишди ва бир-бирисиз яшай олмасликларини англади.
Жерен Ялазўғлу (Нурсема)
Энг машҳур ва энг кўп муҳокама қилинадиган актрисалардан бири “Қизил шарбат” суратга олиш майдончасида танишган актёр Усмон Каракоч билан бахтли турмуш қурган. Дизи мухлислари уни “Севги рецепти”, “Муҳаббат ва Мави” ва “Хайрлашайлик” силмлари орқали танишади. Жуфтликнинг тўйи 2013 йилда бўлиб ўтган ва 2019 йилда улар Истанбулга кўчиб ўтишган.
Селин Туркмен (Чимен)
Доанинг синглиси ролини ўйнаган ёш актрисанинг ҳаётида кимдир борлиги ҳақида ҳеч қандай маълумот йўқ. 2023 йилнинг ёзида ҳам ижтимоий тармоқларда Селин футбол бўйича Туркия терма жамоаси ҳимоячиси Тайиб Сануч билан учрашаётгани ҳақида ёзишган. Аммо бу гап миш-мишлигича қолди, актриса эса ҳозир шахсий ҳаётини йўлга қўйишдан кўра, муваффақиятли карьера қуришга кўпроқ қизиқмоқда.
Изоҳ (0)