ЖЧ—2018 саралаш. Эдинсон Каванининг голи Уругвай терма жамоасини Жанубий Америка минтақасида 1-ўринга олиб чиқди

Футбол бўйича 2018 йил Россияда бўлиб ўтадиган жаҳон чемпионати учун кураш олиб бораётган Жанубий Америка терма жамоалари 30 март куни тонгда саралашнинг 6-тур учрашувларини якунлади. Бу ҳақда «Sports.ru» хабар бермоқда.

5-турга қадар пешқадам бўлиб келаётган Эквадор биринчи мағлубиятини Колумбия терма жамоасидан қабул қилиб олди. Густаво Кинтерос жамоаси сўнгги дақиқада киритилган гол эвазига йирик мағлубиятдан қутулиб қолди.

Эквадорнинг очко йўқотишидан унумли фойдаланган Уругвай терма жамоаси ўз майдонида Перуни мағлуб этиб, саралаш турнир жадвалининг 1-поғонасига кўтарилди.

Дунга мураббийлигидаги Бразилия терма жамоаси ўтган турда Уругвайни 2 та гол фарқи билан енга туриб, якунда ғалабани сақлаб қола олмаганди. Бу сафар пентакампионлар ирода кўрсатиб, 2 та гол фарқини йўққа чиқара олди.

6-турдан кейин жамоалар турнир жадвалида қуйидаги кетма-кетликда жойлашган: Уругвай — 13 очко, Эквадор — 13, Аргентина — 11, Чили — 10, Колумбия — 10, Бразилия — 9, Парагвай — 9, Перу — 4, Боливия — 3, Венесуэла — 1.

ЖЧ—2018 саралаши Жанубий Америка 6-тур учрашувлари

Колумбия — Эквадор 3:1 (1:0)

Уругвай — Перу 1:0 (0:0)

Венесуэла — Чили 1:4 (1:1)

Аргентина — Боливия 2:0 (2:0)

Парагвай — Бразилия 2:2 (1:0)