Ўзбекистон
Футбол бўйича Ўзбекистон аёллар терма жамоаси ўртоқлик учрашувида Эрон термасини 2:0 ҳисобида мағлубиятга учратди. Ўзбекистоннинг голларига Людмила Карачик ва Лианна Норбекова муаллифлик қилди.
25—29 август кунлари Ўзбекистон Суперлигасининг 16-тур ўйинлари бўлиб ўтади. Профессионал футбол лигаси расмий сайтига кўра мазкур турдан ўрин олган 6 та учрашувда VAR тизимидан фойдаланиш режалаштирилмоқда.
Тур доирасидаги учрашувларни бошқариб борадиган ҳакамлар билан ушбу ҳавола орқали танишишингиз мумкин.
Жаҳон
Аргентина терма жамоаси Жаҳон Чемпионати—2022 саралаши доирасидаги ўйинлар учун қайдномани эълон қилди. Лионель Скалони бошчилигидаги мураббийлар штаби қуйидаги футболчиларни таркибга жалб этди.
Дарвозабонлар: Эмилиано Мартинес («Астон Вилла»), Франко Армани («Ривер Плейт»), Хуан Муссо («Аталанта»), Херонимо Рули («Вильярреал»);
Ҳимоячилар: Гонсало Монтел («Севилья»), Николас Отаменди («Бенфика»), Херман Песселя («Бетис»), Николас Тальяфико («Аякс»), Лукас Мартинес («Фиорентина»), Маркос Акуня («Севилья»), Лисандро Мартинес («Аякс»), Кристиан Ромеро («Тоттенҳэм»), Науэл Молина («Удинезе»), Хуан Фойт («Вильярреал»);
Ярим ҳимоячилар: Леандро Паредес («ПСЖ»), Гидо Родригес («Бетис»), Джовани Ло Чельсо («Тоттенҳэм»), Эксекиэл Паласиос («Байер»), Николас Домингес («Болонья»), Анхель ди Мария («ПСЖ»), Родриго Де Пауль («Атлетико»), Папу Гомес («Севилья»), Николас Гонсалес («Фиорентина»), Анхель Корреа («Атлетико»), Хоакин Корреа («Лацио»), Эмилиано Буэндиа («Астон Вилла»);
Ҳужумчилар: Лионель Месси («ПСЖ»), Лаутаро Мартинес («Интер»), Пауло Дибала («Ювентус»), Хулиан Альварес («Ривер Плейт»).
«Барселона» ҳимоячиси Хорди Альба клубнинг илтимосига жавобан маошининг 25 фоизга камайишига рози бўлди, дея ёзмоқда Diario Sport. Аввалроқ Херард Пике ҳам маошининг 25 фоиз камайишига розилик билдирганди.
«Бавария» Бундеслига 2-турида «Кёльн»ни мағлуб этди ва барча мусобақалар доирасида кетма-кет 74-ўйинда гол урди. Клуб бу орқали «Реал»нинг 2016/17 йилги мавсумдаги рекордини янгилади.
Мадрид клуби ўшанда 73 та ўйинда 200 та гол уришнинг уддасидан чиққанди. «Бавария» эса 74 та ўйинда умумий ҳисобда 214 бор рақиблар дарвозасини ишғол этди. Қайд этиш ўринли, 214 голнинг 72 таси Роберт Левандовскининг ҳисобига тўғри келади.
Мюнхенликлар охирги марта 2020 йилнинг 9 февралида «Лейпциг» дарвозасига йўл топа олмаганди.
Барча топ-лигалар онлайн жадваллари, ўйинлар тақвими ва тўпурарлар тўлиқ рўйхати бир жойда — ҳавола
Изоҳ (0)