Дунё ва ўзбек спортига оид 15 июнь тонгининг муҳим хабарлари дайжести билан танишинг.
Ўзбекистон
ФутболЎзбекистон терма жамоаси учун ҳал қилувчи кун
Осиё минтақасида 15 июнь куни ЖЧ—2022 ва Осиё Кубоги—2023 қўшма саралаши иккинчи босқичининг сўнгги тур ўйинлари бўлиб ўтади. Ўзбекистон терма жамоаси ҳал қилувчи баҳсда Саудия Арабистонига қарши ўйнайди. Бу ўйинда Вадим Абрамов шогирдларини ғалаба кейинги босқичга олиб чиқади. Дуранг ёки мағлубият қайд этиладиган бўлса, Ўзбекистоннинг тақдири бошқа гуруҳлардаги ўйинларга боғлиқ бўлиб қолади.
Учрашув Тошкент вақти билан 23:00 да бошланади.
«Спартак»га зарар келтираётган Остон Ўрунов
«Спартак» клуби хўжайини Леонид Федуннинг турмуш ўртоғи, москваликлар директорлар кенгашининг собиқ вакили Зарема Салихова ўзбекистонлик футболчи Остон Ўруновнинг трансфери ҳам унга сарфланган пулни қоплай олмаслигини айтди.
«Ўруновни соца ҳам «Спартак» зарардан қутула олмайди. Ҳеч ким билан келишилмаган кўтарма пули 321 минг еврони ташкил қилган, қўшимчасига маош. Маошнинг катта қисми дастлабки 4 ойликда тўлаб берилган.
«Уфа» ижара учун қолган 10—15% маошни тўлади, холос. Фойдали иш коэффициенти — нол. «Фойдали менежер» (Шамил Газизов назарда тутилмоқда — изоҳ «Дарё»)», — дейди Зарема.
Жаҳон
ФутболИспания терма жамоаси Евро—2020 1-турида Швециянинг мағлуб этолмади. Испанлар бу ўйиннинг 85,1% қисмида тўпга эгалик қилди. Бу Европа чемпионати учун рекорд натижа ҳисобланади.
Мазкур ўйинда испанлар сафида майдонга тушган Педри Родригес Испания терма жамоасининг Евро тарихидаги энг ёш футболчисига айланди (18 ёш-у 201 кун). У Франceск Фабрегаснинг (19 ёш-у 41 кун) рекордини янгилади.
Ушбу гуруҳнинг иккинчи ўйинида Польша кутилмаганда Словакияга ютқазиб қўйди (1:2). Словакларнинг дастлабки голи польшаликлар дарвозабон Войтцех Шчесни ҳисобига ёзилди. Бу Евро тарихида дарвозабон ижросида амалга оширилган илк автогол бўлди. Шунингдек, бу ўйинда Евро—2020 даги дастлабки қизил карточка ҳам кўрсатилди. Польша ярим ҳимоячиси Гжегож Криховяк иккинчи бўлимда майдондан четлатилди.
Яна Евро ҳақида
15 июнь куни 1-турнинг сўнгги ўйинлари ўтказилади. «Ўлим гуруҳи» деб ном олган F гуруҳида Португалия терма жамоаси Венгрияга қарши майдонга тушса, Франция ва Германия турнинг марказий ўйинида ўзаро тўқнаш келади.
Мессидан навбатдаги рекорд
Аргентина терма жамоаси Копа Америка—2021 дастлабки турида Чили билан дуранг ўйнади. Учрашувда аргентиналикларнинг ягона голини Лионель Месси урди. Бу Лео учун Аргентинанинг расмий ўйинларидаги 39-гол бўлди. Шу тариқа Месси бу борда Габриэль Батистутанинг рекордини янгилади.
Аргентина сафида 145-ўйинини ўтказган Месси учун бу умумий ҳисобда 73-гол бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)