Асабларни турли йўллар билан жунбишга келтириш мумкин, масалан, биринчи дақиқаларданоқ ўзига тортадиган триллер сериалларини томоша қилиш орқали. Фильмни томоша қилиш давомида жиноятларни очишингиз, қотилни топишингиз ва бош қаҳрамонлар билан биргаликда ғалати уйнинг сирларидан хабардор бўлишингиз мумкин.
“Аввалги қиз”, 2021
Бош қаҳрамон сирли меъмор томонидан қурилган ажойиб уйга кўчиб ўтади. Аммо вақт ўтиши билан у янги уй уни ўзгартираётганини пайқайди, кейин эса бу уйда худди ўзига ўхшаган бошқа бир қиз сирли равишда вафот этганини билиб қолади.
“Юзадаги”, 2022
Софи хотирасини йўқотади — дўстлари ва эрининг ҳикояларидан ўз ҳаётининг бўлакларини қайта тиклашга ҳаракат қилади. Аммо кунларнинг бирида барда унинг олдига Софининг ўлимга олиб келиши мумкин бўлган бахтсиз ҳодисани яширинча тергов қилаётган нотаниш одам келиб, бор гапни айтиб беради.
“Нима бўларди /Агар”, 2019
Бош қаҳрамон Анна пулга муҳтож ёш эр-хотинга ноодатий таклиф беради. Натижада нафақат улар, балки жуфтликнинг дўстлари ва оила аъзолари ҳам азоб чекади. Анна одамларни моҳирона манипуляция қилади. Бош ролни Рене Зеллвегер ижро этган.
“Кликбейт”, 2021
Оиласи ва ҳавас қиларлик ҳаёти бўлган Ник кибержиноятга аралашиб қолади. Унинг оиласи ва дўстлари бунинг ортида ким турганини, энг муҳими, бу нарса унга нима учун кераклигини билишга ҳаракат қилмоқда.
“Сирлар ва ёлғон”, 2015
Тонгда югуришга чиққан Бен Кроуфорд ўрмондан 5 ёшли болакайнинг жасадини топиб олади. Шундан сўнг унинг ҳаёти кескин ўзгариб кетади, чунки у асосий гумондорга айланади. Маҳаллий терговчи бутун ҳақиқатни аниқлаш ниятида. Кичкина шаҳарчанинг сирлари ва ёлғонлари тез орада ошкор бўлади.
“Гарри Квебер иши ҳақидаги ҳақиқат”, 2018
Айрим триллер сериялари худди шу номдаги романларга асосланган. Улардан бири “Гарри Квебер иши ҳақидаги ҳақиқат” сериали. Бош қаҳрамон ёш қизни ўлдиришда айбланмоқда. Гумонланувчининг дўсти ва шогирди ёзувчи Маркус Голдман устозининг айбсизлигини исботламоқчи. У буни уддалай оладими?
Изоҳ (0)