Tinib-tinchimas mehribon Enn, arvohlar yashaydigan uy, har bir holatiga mos musiqa topa oladigan musiqa shaydosi haqidagi mazkur seriallar kuzning yomg‘irli havosida tomosha qilish uchun ayni muddao.
“Enn”
- Kanada, 2017-2019 yillar.
- Drama.
- Davomiyligi: 3 fasl.
- IMDb: 8,6.
Kanada qishloqlaridan birida yashaydigan aka-singil Metyu va Marilla o‘g‘il farzand asrab olishmoqchi. Ammo qandaydir xatolik sabab ularga yetimxonadan tinib-tinchimas qiz Ennni yuborishadi. Tez orada yangi ota-onalar o‘zlarining qanchalik omadli ekanliklarini tushunishadi: mallasoch qiz nafaqat ularning hayotini, balki atrof-muhitni ham yaxshilaydi.
Serial Lyusi Mod Montgomeri romaniga asoslangan, ammo mualliflar klassik va zamonaviy mavzular o‘rtasida ehtiyotkorlik bilan muvozanat saqlab, original syujetdan uzoqlashadi. Bosh qahramon Enn mehribon bo‘lish bilan birga, savol berishdan tortinmaydi va doimo adolat tarafdori.
“Ebbot boshlang‘ich maktabi”
- AQSH, 2021-yil - hozirgi kun.
- Komediya.
- Davomiyligi: 3 fasl.
- IMDb: 8,2.
Filadelfiyadagi boshlang‘ich maktab o‘qituvchilarining hayoti va faoliyati haiqdagi serial. Muassasaga mablag‘ yetishmayapti, maktabni esa xodimlarga faqat xalaqit beradigan malakasiz direktor boshqaradi. Biroq maktabda o‘quvchilarga chin ko‘ngildan yordam berishni va ularni nafaqat bilim berish, balki katta hayotga tayyorlashni istaydigan ajoyib o‘qituvchilar jamoasi to‘plangan.
“Ebbot boshlang‘ich maktabi” qisman mashhur “Ofis”ni eslatadi. Ammo bu yerda gap bolalar bilan ishlaydigan odamlar haqida ketmoqda: bosh qahramon ikkinchi sinfda dars beradi. Bu esa syujetning ta’sirchanligini aynada oshiradi.
“Terapiya”
- AQSH, 2023-yil - hozirgi kun.
- Drama, komediya.
- Davomiyligi: 2 mavsum.
- IMDb: 8,0.
Jimmi psixolog bo‘lib ishlaydi, lekin uning shaxsiy hayoti havas qilarli emas: xotini bir yil oldin avtohalokatda vafot etgan, o‘smir qizi bilan aloqasi uzilgan. Bir kuni qabul paytida qahramon bemorga uning holati haqida aslida nima o‘ylayotganini ochiqchasiga aytib beradi. To‘satdan bu samara beradi. Shunda psixolog mijozlar bilan iloji boricha to‘g‘ridan to‘g‘ri munosabatda bo‘lishni davom ettirishga qaror qiladi. Umuman olganda, Terapiya” bu — yo‘qotish va muammolarni qanday yengish va yana o‘zingizni topishni ko‘rsatadigan ajoyib serial.
“Xo‘randa samuray”
- Yaponiya, 2017-yil.
- Komediya.
- Davomiyligi: 1 mavsum.
- IMDb: 8,0.
Yoshi o‘tib qolgan yapon erkak Takesi butun umri davomida yirik korporatsiyada ishlagan. Endi u nafaqaga chiqyapti va endi o‘zini qanday band qilishni mutlaqo bilmaydi. Shunda qahramon shunchaki kafe va restoranlarga bora boshlaydi, turli xil taom va ichimliklarni tatib ko‘radi. Shu bilan birga o‘zini samuray qilib ko‘rsatadi.
“Xo‘randa samuray” 12 qismdan iborat bo‘lib, ularning aksariyati 20 daqiqadan kam davom etadi. Serialda deyarli hech qanday ziddiyatlar yo‘q — faqat hayot haqidagi suhbatlar, mulohazalar va mazali taomlar.
“Arvohlar”
- Buyuk Britaniya, AQSH, 2021-yil - hozirgi kun.
- Komediya, fantaziya.
- Davomiyligi: 3 fasl.
- IMDb: 7,9.
Samanta va Jeyning omadi keladi: ularga hashamatli uy meros bo‘lib o‘tadi. Faqat bino eski, bundan tashqari, unda turli davrlarning arvohlari yashaydi — ularni faqat bir vaqtlar klinik o‘lim holatida bo‘lgan Samanta ko‘rishi mumkin. Arvohlar yovuz emas, lekin ba’zan juda jonga tegadi. Shuning uchun juftlik g‘ayrioddiy jamiyatda yashashni o‘rganishlari kerak. Bu mutlaqo har xil odamlar (yoki arvohlar) istasalar, har doim umumiy til topishlari va birgalikda yashashlari mumkinligi haqidagi hikoyadir.
“Musiqa shaydosi”
- AQSH, 2020-yil.
- Komediya, melodrama.
- Davomiyligi: 1 mavsum.
- IMDb: 7,7.
Robin Nyu Yorkda yashaydi va kichik vinil plastinkalar do‘konini boshqaradi. U musiqani va pop-madaniyatni yaxshi ko‘radi. Robning shaxsiy hayoti havas qilarli emas: navbatdagi ajralishdan so‘ng u so‘nggi beshta yigiti bilan munosabatlarini qayta ko‘rib chiqishga qaror qiladi. Bu o‘z-o‘zini tushunishga urinish haqidagi g‘amgin hikoya.
Izoh (0)