Ba’zan hech qachon tugamaydigandek tuyuladigan uy yumushlari bekalarga haqiqatda muhimroq ishlar bilan shug‘ullanishiga yo‘l qo‘ymaydi. Bunday holatda imkoniyat tug‘ilganda tozalash xizmatini chaqirish yoki aqlli gadjetlar yordamida kundalik ishlarni taqsimlash mumkin. Quyida har bir xonadon uchun kerakli bo‘ladigan foydali texnikalar haqida ma’lumot beramiz.
Pollarni yuvish funksiyasiga ega robot changyutgich
Midea VCR S10 robot changyutgichi an’anaviy bir martalik qoplar bilan emas, balki siklon filtri bilan ishlaydi, yig‘ilgan chiqindilar uning maxsus kolbasiga o‘tkaziladi. Mazkur robot turli qatlamli sirtlarga moslasha oladi, 2-3 santimetrli to‘siqlardan osonlik bilan o‘tadi, oyoqlari bor mebel tagini tozalashni unutmaydi va har bir burchakdagi changni yaxshilab artadi. Modelda maxsus aniqlash sensori mavjud bo‘lib, u gilamning chekkalarini ko‘tarib, tozalash funksiyasini bajaradi.
Uy hayvonlari uchun aqlli idish
Uy hayvonlariga o‘z vaqtida ovqat berishning imkoni bo‘lmaganda turli rejalarni o‘zgartirish yoki kechiktirish shart emas. Laika LK-K-B01 rusumli aqlli idish ma’lum vaqtda ozuqa ta’minoti avtomatik tarzda bo‘lishiga javob beradi. Gadjet belgilangan rejimga rioya qiladi, keragidan ortiq miqdorda ovqat berilishiga yo‘l qo‘ymaydi. Uni masofadan boshqarish ham mumkin, aqlli idishda videokamera va ovozli aloqa o‘rnatilgan. Kamera harakatlarni kuzatib boradi va uyda bir nechta uy hayvonlari bo‘lsa, aynan kim ovqatlanganini aniqlash imkonini beradi.
Avtomatik sug‘orish tizimli guldon
Ushbu aqlli guldon xonaki o‘simliklarning vaqtida sug‘orilmasligidan xavotir olmaslikka yordam beradi. Avtomatik sug‘orish tizimi bir necha hafta davomida ishlashi mumkin, u uydan uzoqda bo‘lganingizda ham optimal namlik sharoitlarini saqlab qoladi. O‘simlik 12 haftagacha namlik va kerakli miqdorda o‘g‘it bilan ta’minlanadi.
Deraza tozalovchi robot
Mazkur qurilma nafaqat oyna va derazalarni, balki kafel va mozayka devorlarni ham tozalaydi. Gadjetning o‘zi sirtga maxsus tozalash vositasini surtadi, mikrofibra matosi esa murakkab dog‘larni bartaraf etadi. Deraza tozalovchi gadjet internet orqali ishlaydi. Unga o‘rnatilgan xavfsizlik arqoni va mahkamlovchi halqa qurilmaning balandlikdan tushib ketmasligini ta’minlaydi.
Poyabzal va qo‘lqop quritgich
Sovuq mavsumda ayniqsa foydali bo‘lgan yana bir gadjet — bu poyabzal uchun quritgich bo‘lib, unda qo‘lqop, paypoq va bosh kiyimlarni quritish mumkin. Quritgich poyabzallarni dezinfeksiya qilish tizimiga ega, bu esa oyoq kiyimlarda yoqimsiz hidlarning paydo bo‘lishining oldini oladi. Gadjetni uyga kiraverishda joylashgan biror rozetkaning yonida joylashtirilish mumkin (u tekis yuzaga yopishtiriladi).
Sensorli chiqindi qutisi
Sensorli chiqindi qutisi bilan uy yumushlarini bajarish ancha qulayroq bo‘ladi. Uning harakat datchiklari siz yaqinda ekanligingizni sezadi va qopqog‘ini avtomatik tarzda ko‘taradi. Sensor qo‘lingiz 20 santimetr masofaga yaqinlashganda ishga tushadi va qo‘lingizni olganda qopqoq ovozsiz va sekin yopiladi.
Mushuklar uchun chiqindi qutisi
Hech kim mushukning axlat qutisini tozalashni yoqtirmaydi, lekin u vaqtida almashtirilmasa, uyda yoqimsiz hid paydo bo‘ladi.
Avtomatik chiqindi qutisi texnik jihatdan murakkab qurilma, shuning uchun narxi ancha baland turadi, lekin gadjet tozalash va hid muammosini hal qiladi. Uy hayvoni qutidan chiqib ketishi bilanoq tozalash jarayoni boshlanadi. Siz uni faqat chiqindi bo‘linmasi to‘lganida — taxminan har ikki haftada bir marta tozalashingiz kerak bo‘ladi.
Izoh (0)