Ярим аср олдин гаджетлар ноқулай, шовқинли ва қўпол эди. Ҳозир эса улар анча ўзгарган, дея ёзади «Hi-tech.mail.ru».
Биринчи ноутбук
Осборне 1 модели 1981 йилда яратилган. Қурилма 11 килограмм эди. Мана шу оғирлик уни кўчма компьютерга айлантирган. Клавиатура ўрнатилган қопқоғини кўтариб, ёпиқ қўйилса, чамадонга ўхшаб қоларди.Кичик монохромли экран, 4 МГц процессор, 64 Кб оператив хотира, батарея йўқ ... ташқи кўриниши ва ички тузилмаси ҳозирги ноутбуклардан анча бошқача эди. Бироқ, ўша пайт учун у кичик компьютер эди. Гаджет қиммат бўлишига қарамай (ҳозирги пулга тахминан 5000 долларни ташкил этади) яхши сотилган.
Плеер
Ҳозир у смартфон функцияларидан бири. Ҳажми гугурт қутисидек. Audiо файлларни ўқийдиган бу кичик кўчма қурилма 1972 йилда Павел Андреас ўзининг Стереоbelt’и учун патент олганда муомалага кирган.Биринчи Walkman кассета плейри Sony компанияси томонидан деярли қирқ йил олдин, 1979 йилда чиқарилган. Буни муҳим кашфиёт деса бўлади: чунки бундан олдин фақат портфел ёки кичик чамадон ҳажмидаги кўчма магнитафон бор эди.
Ўйин консоли
PlayStation ва X-box узоқ вақт давомида ўз мухлисларини қувонтирган, лекин 70 йилларнинг бошларида ўйин консолларининг бобоси — Magnabох Odyssey пайдо бўлди. Нуқталар ва оддий графикалардан иборат бўлган зерикарли ўйинлар машҳурликка эриша олмаган.
Видео алоқали телефон
Видео қўнғироқлар ҳозир оддий ҳолга айланиб улгурди. Агар кекса аёл неварасига қишлоқдан жуда оддий арзон смартфондан қўнғироқ қилиб, у келиши учун қандай пишириқларни тайёрлаганини кўрсатиши ҳеч кимни ажаблантирмайди. 1964 йилда эса видеоқўнғироқни амалга оширадиган қурилма жуда ҳам бесўнақай эди.АТ & Т Pisturephone моделидаги стационар телефон кўчма телевизорга (ўша вақтдаги) уланарди. Лекин у пайт бундай техника жуда кам топилар эди. Ишлаб чиқариш қийин ва нархи қиммат бўлгани учун у оммабоп бўлмаган.
Чангютгич
Замонавий чангютгичлар жуда ихчам. Ювса бўладиган, автоном чангютгич. Йигирманчи асрнинг ўрталарида вазият бошқача эди. «Buran» - афсонавий совет чангютгичи 1957 йилдан буён ишлаб чиқарилган. У ўз номини оқлаган: ишончли, оғир, ракета каби шовқин чиқарган.Ўша йиллардаги чангютгичлар унча-мунчага бузилмас эди. Дизайни ҳам ўзига хос бўлгани учун уни бўёқларга сувпуркагич сифатида ишлатиш мумкин эди.
Мобил телефон
Совет муҳандиси Куприяновичнинг 1957 йилдаги намунаси тахминан 3 килограммни ташкил этган. Кейинги прототиплари янада ихчамланган бўлса-да, концепция омма томонидан қабул қилинмаган. Бироқ, бу ғоя йўқолиб кетмаган. 1973 йилда Motorola муҳандислари 1,2 килограмм бўлган DynaTAC’ни ишлаб чиққан.1984 йилда биринчи серияли мобил телефон сотилди. Ўшандан бери одамлар уларни қўлдан қўймайди. 80 йилларнинг мобил телефонлари фақат ярим соат суҳбат учун ярар эди. Кирувчи қўнғироқни эса 6 соат кутиш керак эди. Замонавий смартфонлар эгалари ўша йилларнинг муаммоларини тушунади.
Телевизор
Sony’нинг энг машҳур модели — Тринитрон 1968 йилдан бошлаб ишлаб чиқарилган. У тасвирни бошқаларга қараганда сифатлироқ кўрсатадиган тўлиқ рангли телевизор эди. Текис экранлар ва фотосурат рамкаларининг қалинлигидек келадиган телевизорлар ҳали мавжуд бўлмаган давр учун бу жуда катта ютуқ эди. Унинг кинескопи сферанинг эмас, балки цилиндрнинг бир қисми эди.
Идиш ювадиган машина
Замонавий идиш ювадиган машиналар энди фақатгина бой одамлар сотиб оладиган нарса эмас: оддий оилалар ҳам энди уларни сотиб олиши мумкин. Ажабланарлиси шундаки, 50 йиллардаёқ Colston компанияси кўп жой эгалламайдиган электр идиш ювгични яратган.
Изоҳ (0)