“Манчестер Сити” бош мураббийи Пеп Гвардиола клуб билан шартномасини яна бир мавсумга узайтириши мумкин.
The Telegraph нашрининг ёзишича, айни дамда клуб испаниялик мураббий билан шартномасини яна бир мавсумга узайтиришга келишиб олган. “Манчестер Сити” мураббий билан узоқроқ муддат ишламоқчи, аммо ҳозирги келишувдан ҳам мамнун.
Маълумот учун, Пеп Гвардиоланинг “Манчестер Сити” билан шартномаси 2025 йилнинг ёзига қадар амал қилади. Мутахассис 2016 йилнинг ёзида инглизлар жамоасини қабул қилиб олганди. Гвардиола бошчилигида “шаҳарликлар” тарихда илк бор Чемпионлар Лигасида ғолиб бўлди. 2022—2023 йилги мавсумни “Манчестер Сити” требл билан якунлашга муваффақ бўлди. Испаниялик мураббий билан “шаҳарликлар” 6 марта Англия чемпионлигини қўлга киритди.
“Манчестер Сити” Англия чемпионати турнир жадвалида 7 турдан кейин 17 очко тўплаган ҳолда иккинчи ўринда бормоқда.
Изоҳ (0)