Исроил ҳарбий-ҳаво кучлари самолётлари Дамашқ халқаро аэропорти йўлида жойлашган ас-Сайида Зайнаб ҳудудининг жануби-шарқий чеккасига ҳужум қилди.
Al-Hadat телеканали хабар беришича, Ал-Мазор ҳудудида Сурия армияси томонида жанг қилаётган “Ҳизбуллоҳ” тузилмалари лагерлари яқинида бир неча портлаш овозлари эшитилган.
Зарбалар оқибатида юзага келган йўқотишлар ва моддий зарар ҳақида маълумот берилмаган.
Аввалроқ Туркия Бирлашган Миллатлар Ташкилотига 52 та давлат ҳамда иккита халқаро ташкилотнинг Исроилга қарши қурол эмбаргосини жорий этиш мурожаатидан иборат мактубини топширгани хабар берилганди.
Мактубда босиб олинган Фаластин ҳудудларида, шунингдек, Ливан ва Яқин Шарқнинг бошқа ҳудудларида зўравонлик кучайиши ва халқаро ҳуқуқ нормаларининг бузилишидан чуқур хавотир билдирилган.
Исроил ҳаракатлари оқибатида қурбонлар орасида аёллар ва болалар сони ортаётгани қайд этилган. Ушбу хавфли тенденцияни тўхтатиш учун фавқулодда чоралар кўриш зарурлиги таъкидланган.
Изоҳ (0)