Футбол бўйича Англия Премьер Лигасининг 27-туридан ўрин олган ўйинда “Манчестер Сити” ва “Манчестер Юнайтед” 3 март, якшанба куни ўзаро баҳс олиб борди.
Учрашувнинг 8-дақиқасида меҳмонлар ҳужумчиси Рэшфорд супер гол уриб ҳисобни очди. Мезбонлар голдан сўнг тўлиқ устунликда ҳаракат қилишига қарамай, ҳисобни ўзгартиришнинг уддасидан чиқа олмади.
Иккинчи бўлимнинг 56-дақиқасида Фоден ажойиб зарба билан ҳисобни тенглаштирди. 80-дақиқага келиб Фоден жамоасини олдинга олиб чиқди. Иккинчи бўлимнинг қўшиб берилган дақиқалар бошланганида катта саҳнага Ҳоланд чиқди. У ҳимоячининг хатосидан унумли фойдаланиб, ўз ҳисобига гол ёздириб қўйди.
Эрлинг Ҳоланд “Манчестер Сити” сафида “Юнайтед”га қарши энг самарали ўйнаб келаётган футболчи ҳисобланади. У сўнгги тўрт ўйинда 6 гол ва учта ассист қайд этди.
Ушбу ғалабадан сўнг, “Сити” ҳисобидаги очколар 62 тага етди ва жамоа “Ливерпуль” дан бир очко ортда қолмоқда.
АПЛ
27-тур баҳси
3 март, якшанба
“Манчестер Сити” – “Манчестер Юнайтед” 3:1
Голлар: 0:1 – 8 Рэшфорд, 1:1 – 56 Фоден, 2:1 – 80 Фоден, 3:1 – 90+1 Ҳоланд.
“Манчестер Сити”: Эдерсон, Уокер, Аке, Рубен Диаш, Стоунз, де Брюйне, Бернарду Сильва, Родри, Фоден, Доку (Алварес, 59), Ҳоланд.
“Манчестер Юнайтед”: Онана, Диогу Далот, Эванс (Камбвала, 69), Варан, Линделеф, Бруну Фернандеш, Каземиро, Мактоминей, Майну (Амрабат, 82), Гарначо (Форсон, 82), Рэшфорд (Антони, 75).
Огоҳлантиришлар: Варан (68).
Изоҳ (0)