“Барселона” Роберт Левандовски ўрнига номзодларни кўриб чиқишни бошламоқда.
Diario Sport нашрининг хабарига кўра, каталонияликлар раҳбарияти ҳужумчи излаш ишларини бошлаган. Жорий мавсумда полшалик бомбардир яхши натижалар кўрсатмоқда (Ла Лигадаги 5 ўйинда 4+2 кўрсаткич). Бироқ унинг ёши 36 далиги ва 2026 йилда шартнома муддати ўз якунига етиши муносабати билан клуб янги ҳужумчи олиш истагида.
Дастлаб, “Манчестер Сити” ҳужумчиси Эрлинг Ҳоланд варианти энг муҳими сифатида кўриб чиқилмоқда. “Шаҳарликлар” ҳозир қийин вазиятда тургани учун ҳужумчини сотиб юбориш эҳтимоли ҳам мавжуд. Бироқ норвегияликнинг маоши (20 миллион фунтдан ортиқ) уни ҳозирги кунда Европадаги энг кўп маош олувчи футболчилардан бири бўлишига сабаб бўлиб турибди.
Иккинчи вариант сифатида “Спортинг” ҳужумчиси Виктор Докереш кўриб чиқилмоқда. Португалия чемпионатида у 7 ўйинда 9 та голга муаллифлик қилишга муваффақ бўлди. “Барселона”дан ташқари АПЛнинг бир қанча клублари ҳам Викторга харидор бўлиб турибди.
Эслатиб ўтамиз, Левандовски 2022 йилдан буён “Барселона” шарафини ҳимоя қилиб келмоқда.
Изоҳ (0)