24 апрель куни АҚШ фуқароси Amanda Годебски 66 ёшли актриса Шерон Стоунни Лос-Анжелес Олий судига берди. Айбловчининг таъкидлашича, 2023 йилда бўлиб ўтган ЙТҲга актриса томонидан содир этилган қўпол қоидабузарлик сабаб бўлган.
Шерон Стоун автомобилни бошқариш пайтида тезликни меъёрдан оширган ҳамда даъвогар Годебски юрган йўлга хавфли бурилиш қилган ва натижада авария содир бўлган.
Даъвогар сўзларига кўра, машиналар тўқнашуви оқибатида унинг мулки жиддий зарар кўрган ва меҳнат қилиш қобилиятидан маҳрум бўлган. Суд жараёнида у тиббий ёрдам харажатларини ҳам айтиб ўтди. Годебски умумий 35 минг долларни ташкил этувчи зарарни қоплашни актрисадан талаб қилди.
Бу ҳодиса Шерон Стоуннинг биринчи марта судга берилиши эмас. 2012 йилда актриса устидан унинг собиқ энагаси судга мурожаат қилган. Судда Стоунга меҳнат қонунчилигини бузиш ва миллатига оид камситувчи сўзлар ишлатиш каби айблар қўйилган.
Маълумот учун: Шерон Стоун 2001 йилда инсультни бошдан кечирган. Унинг қайта тикланишига узоқ йиллар керак бўлди, эндиликда Стоун доимий равишда дорилар қабул қилиб юриши керак. Унда, шунингдек, хотира билан боғлиқ муаммолар ҳам кузатилмоқда.
Изоҳ (0)