Бахт сири: Мустаҳкам ва бахтли оила қуриш сирлари ҳақида Голливуднинг юлдузли жуфтликларидан маслаҳатлар

Машҳур кишилар орасида барча қийинчиликларга қарамай, кўп йиллар давомида фарзандлари ва ҳатто набираларини тарбиялаётган жуфтликлар бор. Шундай юлдузли жуфтликларнинг мустаҳкам ва бахтли никоҳ кафолати ҳақидаги маслаҳатларига эътиборимизни қаратамиз.

Стинг: «Дўстингиз билан оила қуринг»

37 йиллик никоҳдан сўнг, Стинг ва рафиқаси Труди Стейлер барча учун бир нечта маслаҳат берди. Хонанда турмуш ҳақида кўп нарсаларни билишини тан олади: «Бу қандайдир мўъжиза, лекин биз никоҳни муҳим деб қабул қилмаймиз. Биз дўстмиз, бир-биримизни яхши кўрамиз, аслида бир-биримизга жуда ёқамиз ва бу муҳим фарқ. Севги — бу эҳтирос ва шуларнинг барчаси, лекин аслида кимнидир севиш ва ким биландир завқланиш бироз бошқача тушунчалар, чунки иккинчиси анча узоқ давом этади. Агар севгилингиз энг яқин дўстингизга айланса, иккала туйғудан ҳам баҳраманд бўлишингиз ҳам мумкин».

Эшли Грэм: «Ўйин ҳам ўйнаб туринг»

Супермодель ва унинг эри Жастин Эрвиннинг айтишича, жанжалдан сўнг улар ярашиш учун «ўйин» ўйнашади. Ўйиннинг моҳияти шундаки, бир киши бошқасини мақтайди, кейин эса аксинча. «Жанжалдан сўнг ярашсангиз ҳам нимадир етмаётгандек, таранглик ҳали ҳам сақланиб қолгандек туюладими? Биз бундан шундай ўйинлар билан қутуламиз. Бу усул сизни тинчлантиради ва ҳақиқий ҳаётга қайтаради», — дейди Грэм.

Хью Жекман: «Бир жамоа бўлинг»

Ўзининг шуҳрати ва кўплаб обрўли мукофотларига қарамай, «Энг буюк шоумен» фильми юлдузи у учун йигирма йилдан бери турмуш қурган аёли Деборра-Ли Фурнесс ҳар доим энг биринчи ўринда қолишини айтади. «Ҳатто ‘Оскар’ маросимида ҳам мен саҳнага чиқиб, қўлимни юрагимга қўяман ва доим Дебга қарайман. Шунингдек, хотиним келмагунча кийиниш хонамда ҳеч кимни кўришни хоҳламайман. Чунки у менинг таянчим, тоғим, оиламизнинг асоси ва менинг ҳаётимдир» — дейди актёр.

Блейк Лайвли: «Биз бир вақтда ишламаймиз»

Актрисанинг ҳавас қиларли никоҳи ҳеч кимни бефарқ қолдирмайди, жуфтлик ҳар доим ва ҳар куни бир-бирлари билан ҳазиллашиб, ижтимоий тармоқларда ўз севгисини изҳор қилади. Бироқ қизғин суратга олиш жадвали ҳақида гап кетганда, Лайвли ва турмуш ўртоғи Райан Рейнольдс уларнинг лойиҳалари ўзаро муносабатларига тўсқинлик қилмаслигига ҳаракат қилишини айтади. «Эрим билан мен бир вақтда ишламаймиз, шунинг учун биз доимо биргамиз. Агар орамиздан кимдир кетадиган бўлса, бу бир кундан ортиқ бўлиши мумкин, ундан узоқ эмас», — дейди актриса.

Крис Хемсворт: «Қанчалик чарчаганингиздан қатъи назар, учрашув уюштириб туриш шарт».

Албатта, баъзида ҳаётда муаммолар бўлиши мумкин. Аммо учта фарзандни тарбиялаётган Тор роли ижрочиси ва унинг рафиқаси Элза Патаки ҳар доим романтик учрашувларга вақт ажратади. «Болаларингиз бўлганида, бўш вақтингизнинг ҳар бир лаҳзаси уларга сарфланади. Ва кейин сизда бир-бирингиз учун ҳеч нарса қолмайди. Ҳар беш йилда бир марта бўлса ҳам, кечқурун режалаштирилган кунингиз борлигига ишонч ҳосил қилинг, чунки аксарият ҳолларда сиз жуда чарчайсиз ва ухлашни афзал кўрасиз», — дейди Крис.

Уилл Смит: «Муносабатлар ортидаги машаққатли меҳнатга тайёр туринг»

Турмуш қуриш осон иш эмас. Чорак асрдан бери бахтли турмуш кечираётган актёр ва унинг рафиқаси Жади Пинкетт Смит бунга ёрқин мисол. Актёрнинг хонанда Алсина билан вақтинча муносабатлари ва хотинига хиёнат қилишига қарамай, эр-хотин биргаликда ҳаёт йўлларини давом эттирмоқда. «Биз ўзимиздан турмушимизнинг сири нимада деб сўрадик ва охир-оқибат бир-биримизни қўйиб юбормаслик деган қарорга келдик. Айтишим мумкинки, биз ҳеч қачон муносабатларимиз устида ишламаганмиз. Биз фақат ўзимиз устимизда ишладик. Кейин эса бир-биримизга ўзимизнинг энг яхши версиямизни тақдим этдик», — деди икки фарзанднинг отаси.

Сальма Ҳайек: «Иш жадвалингизни ташлаб юборинг»

Сальма ва унинг турмуш ўртоғи Француа-Анри Пино учун кераксиз ижтимоий воқеалардан қочиш — бу муваффақиятли муносабатлар калитидир. «Мен яхши йигитга турмушга чиқдим. Бу — энг муҳим нарса. Биз барча ишларда бир-биримизни қўллаб-қувватлаймиз. Биз биргаликда вақт ўтказишни жуда яхши кўрамиз», — дейди актриса.

Дэвид Бекҳэм: «Бир-бирингизга ишонинг»

Собиқ спортчи ва унинг рафиқаси Виктория Бекҳэм 1999 йилда турмуш қурган ва шу вақтдан бери бирга яшамоқда. Уларнинг муваффақиятли муносабатларининг сири нимада? «Биз 18 йилдан бери биргамиз. Инсон бир-бирига ишониши керак. Менимча, айнан шу нарса муваффақиятли никоҳ сиримизга айланди», — деб тушунтиради тўрт фарзанднинг отаси.

Николь Кидман: «Бир-бирингизга ёқишга ҳаракат қилинг»

Никоҳ ҳақида гап кетганда, севиб қолиш табиий нарса. Аммо учқунни чуқурроқ муносабатларга олиб бориш Кидман ва унинг эри Кейт Урбан учун катта аҳамиятга эга. «Фақат бир-бирингизни севинг. Ва бу ҳақиқатан ҳам ишлайдиган ягона усул», — дейди Кидман қўшиқчи эри билан бахтли муносабатлар сири ҳақида гапира туриб.