Шоу-бизнес ва оилавий ҳаётни бирдек олиб бориш қийин, албатта. Санъат эса фидойиликни талаб этади. Cosmopolitan нашри 40 ёшдан кейин фарзанд кўрган Голливуд юлдузлари ҳаёти ҳақида тўхталди.
Моника Беллуччи
Биринчи қизини 39 ёшда, иккинчисини 45 ёшида дунёга келтирган
Моника Беллуччи шахсий ҳаётидаги муҳим воқеалар туғилган кунидан сал олдин, сентябрь ойида бўлиб ўтди. Актриса 1999 йилда, 35 ёшида Венсан Касселга турмушга чиқди. Беш йилдан кейин Беллуччи қирқ ёшга тўлишига бир неча ҳафта қолганда қизи Девуни дунёга келтирди. Орадан беш йил ўтиб, 45 ёшида иккинчи қизи Леони туғилди.
«Кеч туққан аёллар ўзларини жасоратли деб ҳисоблайди. Бу ҳақиқат, чунки ёш ўтган сари сиз чақалоқ учун катта хавф туғдирасиз. Аммо мен ўзимни жасоратли эмас, балки омадим бор деб ўйлайман. 39 ёшимда биринчи фарзандимни дунёга келтирганимда, иккинчисини ҳам тезроқ туғишим керак дея ўйлаганман, лекин аслида бунга тайёр ҳам эмасдим. Болалар – бу фильм эмас. Улар нотинчликка тоқат қилмайди ва пайдо бўлишга шошилади», – дейди Моника.
Ҳолли Берри
41 ёшида биринчи, 46 ёшида иккинчи фарзандини дунёга келтирган.
Ҳолли модель Габриэль Обри билан турмуш қургач, 41 ёшида қизи Налу туғилди. Кейин улар ажрашди. Берри француз актёри Оливье Мартинесга турмушга чиққандан сўнг, ундан 46 ёшида кичкинтой Масео-Роберт дунёга келди.
«Мен ўзимни жуда яхши ҳис қиляпман. Ростини айтсам, тақдир мени кутилмаган совғалар билан сийлади. Мен менопауза даврида эдим ва бу катта янгилик бўлди», – дейди Берри иккинчи марта ҳомиладорлигини билгандан кейин.
Салма Ҳайек
41 ёшида қизи дунёга келган.
Ҳайек 41 ёшида миллиардер Француа Анри Пинодан қизи Валентинани дунёга келтиради. Қизлари туғилгач, улар ажрашади, аммо бир неча ой яна ўтиб ярашади ва тўй қилади.
«40 ёшга кирганимда, 30 ёшли одамга солиштирганда мен анча чидамли ва вазмин эдим. Ҳозирги эътиборимни, балки ўн йил олдин мен қизимга беролмасдим.. Қизим омадли, у айнан 40 ёшга тўлганимда туғилди», – дейди Ҳайек.
Ким Бейсингер
41 ёшида қизи дунёга келган.
Биринчи турмуш ўртоғи гримм-рассоми Рон Бриттон эди. Ким у билан 28 ёшида танишган. Иккинчи эри актёр Алек Болдуин билан танишганда у 40 ёшда эди. Тўйларидан бир йил ўтгач, Болдуин ва Бейсингернинг Айленд исмли қизи дунёга келади.
Қизи туғилгандан сўнг актриса бироз танаффус қилишга қарор қилди ва қизи тарбияси билан шуғулланди. «Биз хотиним билан ажрашяпмиз, у бошқа бир аёлга – бир ярим ёшли кал қизга ошиқ бўлди», – деб ҳазиллашди Болдуин ток-шоуларнинг бирида.
Ева Мендес
40 ёшида қизи дунёга келган.
Ева Мендес узоқ вақт фарзанд кўрмасликка қарор қилган кишилар тоифасидан эди. Шахсий ҳаёти ҳақида журналистларга умуман гапирмайдиган актриса ҳамкасби Райан Гослинг билан бўлган ишқий муносабати ҳақида изоҳ бермаган. Мендес ва Гослингнинг кутилмаганда Эсмеральда исмли қизи туғилади ва бу мухлисларини ҳайрон қолдиради. Ева ўша пайтда 40 ёшда эди.
«Мен ҳеч қачон янги туғилган чақалоқни парвариш қилиш жуда қийинлигини тасаввур қила олмаганман. Менинг ёввойи тунларим тугади, деб ўйладим. Олдинда асосий синовлар турганлиги маълум бўлди. Ҳозирча энагасиз шуғулланяпман, лекин келажакда ёрдамчи ёллаш ниятидаман. Мен учун оналикнинг маъноси шундаки, тунда ухлаш билан курашиш, нима қилишни билмаслик», – дейди Мендес.
Наоми Уоттс
Биринчи ўғлини 39 ёшда, иккинчисини 40 ёшида дунёга келтирган.
Наоми Уоттсга ўттиз ёшида шуҳрат ва омад келди (Дэвид Линчнинг «Малхолланд Драйв» фильми туфайли). Машҳурлик тўлқинида сузаётганда, актрисага бола учун вақт йўқ эди. Аммо Наоми 39 ёшида эри Лива Шрайбердан ўғли Сашани ва бир ярим йилдан сўнг иккинчи ўғли Сэмюэлни дунёга келтиради.
«Мен доим фарзандларим биланман. Ёки улар мен билан. Биз энг кучли ришталар билан боғланганмиз. 39 ёшимда Саша туғилди ва мен ўша пайтда ҳаёт ҳақида нимадир тушунишга улгурганман», – дейди Уоттс.
Николь Кидман
40 ёшида қизи Сандей Роуз туғилган.
Актриса Николь Голливудда муваффақиятли ва эри киноюлдуз («Момақалдироқ кунлари» фильмида Николь Кидман билан танишган Том Круз актриса Мими Рожерс билан ажрашган) эди. Аммо барча кўнгилсизлик бефарзандлик сабабидан келиб чиқди. Шунинг учун эр-хотин қизи Изабелла ва ўғли Коннорни асраб олишга қарор қилади. Николь Кидман биринчи фарзанди, қизи Сандей Роузни иккинчи эри Кит Урбандан дунёга келтирган. Икки йил ўтгач, оилада иккинчи фарзанд туғилади – қизи Фейт Маргаретни суррогат она олиб юрди.
«Мен фарзанд тарбиялашдек жиддий ҳаётга ҳиссий ва психологик жиҳатдан ҳам тайёр эмасдим. Шундай бўлса-да, кеч она бўлишнинг ҳам афзалликлари бор», – дейди Николь.
Сьюзан Сарандон
39 ёшида қизи, 42 ва 45 ёшида икки ўғли дунёга келади.
Сьюзан Сарандон 23 ёшида актёр Крис Сарандон билан турмуш қурди. Улар 12 йил фарзанд кўрмади. Шифокорлар актрисага «туғмас» деб ташхис қўйди. Сьюзан нотўғри ташхис билан эллик ёшни йўқотди. Йиллар ўтгач, режиссёр Франко Амурридан қизи Ева дунёга келди. Уч йилдан сўнг ўғли Жек туғилди, унинг отаси Сарандоннинг ҳамкасби Тим Роббинс эди. Яна уч йил ўтгач, улар Майлз исмли ўғил кўришди.
«Мен ҳомиладор бўлганимда бу қандай бўлганини ҳеч ким тушуна олмади. Чунки шифокорлар менга «туғмас» дея ташхис қўйганди», – дейди Сарандон.
Мэрайя Кери
41 ёшида эгизак фарзандларни дунёга келтирган.
2011 йил, апрель ойида 41 ёшли Мэрайя сунъий йўл билан ҳозирги тумуш ўртоғи шоумен Ника Кеннондан Мороккано ва Монро эгизакларини дунёга келтирди. Ҳомиладорлик жуда қийин кечган. Қўшиқчи энди фарзанд кўришни истамаслигини айтди.
«Менда ҳомиладорлик жуда қийин кечди. Менда диабет ва юқори қон босими ҳам бор эди. Эгизак фарзандларни дунёга келтирган барча оналарга салом бераман. Чунки бу осон эмас. Аммо мен фарзандларимдан беш йил давомида жуда янги ҳиссиётларни олдим», – дейди Кери.
Женнифер Лопес
39 ёшида эгизак фарзандларни дунёга келтирган.
Женнифер Лопес фарзандли бўлиш орзуси борлигини бир неча бор тан олган. Аввалига унинг шахсий ҳаёти яхши бошланмади (раққос Крис Жадд билан жанжалли ажрашиш, актёр Бен Аффлек билан тўйи бўлишидан бир неча соат олдин никоҳ бекор қилиниши). Кейин қўшиқчи Марк Энтон билан турмуш қуради, аммо Лопес ундан фарзанд кўрмади. Женнифер сунъий йўл билан фарзанд кўришга қарор қилади ва 2008 йил февраль ойида Макс ва Эмма эгизакларини дунёга келтиради.
Изоҳ (0)