Ҳар бир қиз учун тўй оқшоми ҳаётидаги энг муҳим кун ҳисобланади. Шу куни ҳар бир келин ҳаммадан ажралиб туришни хоҳлайди, шунинг учун ҳам тўй либосидан пул аямайди.
Амал Клуни
2014 йилда юлдуз адвокат Амал Жорж Клунига турмушга чиқди. Жуфтликнинг тўй маросими сентябрь ойи охирида Венецияда бўлиб ўтди. Тўйга жуфтлик қайиқда сузиб келди, мухлислар эса оппоқ либосда бахтдан порлаб турган гўзал Амалдан кўз узолмай қолди.
Кейинчалик Клуни оиласининг тўй фотосессияси машҳур журналларда пайдо бўлди. Амал тўй либосини Оскар де ла Рента брендидан танлади. У 13 метр узунликдаги француз тўрлари ва марваридлар билан қўлда безатилган. Келиннинг мазкур либоси 380 минг доллар туради.
Миранда Керр
2017 йилда супермодель ёш ва истиқболли бизнесмен Эван Шпигелга турмушга чиқди. Тўй маросими камтарона ўтди, аммо янги жуфтлик тўй либосларини учун пулни аямади. Миранда Керр Dior либосида турмуш қуришни орзу қилган ва унаштирилгандан сўнг дарҳол модалар уйининг ижодий директори Мария Гразиа Чиурига мурожаат қилган. Дизайнер моделнинг барча истакларини инобатга олган ҳолда у учун 310 минг доллар турадиган махсус либос яратди.
Салма Ҳаек
2009 йилда актриса француз тадбиркори Франсуа-Анри Пинога турмушга чиқди. Мухлислар узоқ вақт давомида Салма Хаекнинг тўй либосини кўра олишмаган, чунки тармоққа маросимдан атиги бир-иккита кадрлар чиққан холос. Бир неча йил ўтгач, юлдуз тўйидаги баъзи архив суратларини баҳам кўрди.
Мода экспертлари ва хориж ОАВлари Хаекнинг келинлик либоси Balensiaga томонидан ишлаб чиқилгани ва унинг нархи 435 минг долларга тенг эканини аниқлади. Кийимнинг юқори қисми тошлар ва мунчоқлар билан безатилгани сабабли кўзни қамаштиради.
Виктория Сваровски
2017 йилда Swarovski бренди асосчисининг эвара қизи инвестор Вернер Мюнзга турмушга чиқди. Виктория учун либос дубайлик дизайнер Майкл Синко томонидан яратилган. Либосга 500 мингдан ортиқ ёрқин Swarovski кристаллари ишлатилган, шунинг учун тўй либосининг оғирлиги 46 кг га етади. Кўйлак тахминан 1 миллион долларга баҳоланади.
Киара Феррани
2018 йилда блогер рэпер Федезга турмушга чиқди. Уларнинг тўйи шу қадар катта миқёсда бўлиб ўтдики, юлдузлар бунга қанча маблағ сарфлаганини тасаввур қилиш қийин. Киара ўзи мода блогери ва нафис либосларни яхши тушунади. Шу сабабдан тўй оқшоми учун Dior дан иккита ҳашаматли либос танлади.
Хорижий ОАВнинг аниқлик киритишича, асосий тўй либосини яратиш учун 1600 соат меҳнат ва 400 метр мато сарфланган. Айтганча, либос остидаги юбка алоҳида олиб ташланади — шунда оқшом кўйлаги ихчам калта либосга айланади. Иккинчи кўйлаги бир оз оддийроқ эди. Киара учун мазкур либослар 420 минг долларга тушади.
Изоҳ (0)