Индонезиянинг Бантен провинцияси Тангеранг шаҳридаги қамоқхонада содир бўлган ёнғин туфайли 40 дан ортиқ одам ҳалок бўлди. Бу ҳақда Адлия ва инсон ҳуқуқлари вазирлигининг қамоқхона бўлими матбуот котиби Рика Априантга таяниб, «Интерфакс» хабар берди.
Матбуот котибининг сўзларига кўра, ҳодисада 41 киши вафот этган. Ўнлаб одамлар яраланган.
Априантнинг аниқлик киритишича, ёнғин тунда содир бўлган, ҳозир эвакуация ишлари олиб борилмоқда. Шунингдек, ёнғин сабаблари ўрганилмоқда.
Ёнғин чиққан блокда гиёҳванд моддалар билан боғлиқ жиноятлар учун ҳукм қилинган 122 киши бор эди. Априант ёнғин пайтида бинода жами қанча одам бўлганига аниқлик киритмади, лекин қамоқхона гавжум бўлганини тасдиқлади.
Индонезия ҳукуматининг сентябрь ойидаги маълумотига кўра, Тангеранг қамоқхонасида 2000 дан ортиқ маҳбус жазо ўтаган, аммо аслида бино 600 кишига мўлжалланган эди.
Аввалроқ Исроилда олти нафар террорчи маҳбус мамлакат шимолидаги Гилбоа қамоқхонасидан қочиб кетганди. Маҳбуслар туннел ёрдамида қочиб кетган. Уларнинг беш нафари «Исломий жиҳод» террорчилик ташкилотининг фаоллари, олтинчиси эса ФАТҲ террорчиларининг етакчиларидан бири Захария Зубайдий бўлган. Таъкидланишича, айнан Зубайдий қочишни ташкиллаштирган бўлиши мумкин.
Изоҳ (0)