Индонезияда футболчи ўйин вақтида ҳакамнинг жағига зарба берди.
Ҳодиса Индонезия миллий ўйинлари доирасидаги учрашувлардан бирида содир бўлди. Учрашув бош ҳаками “Марказий Сулавеси” жамоаси дарвозасига пенальти белгилади, шундан сўнг футболчилардан бири унинг жағига кучли зарба йўллади. Жабрланувчи майсазорга йиқилди ва у кейинчалик тез ёрдам машинасида олиб кетилган.
Рақиб жамоа белгиланган пенальтини голга айлантира олмади, бироқ орадан бир неча дақиқа ўтиб бош ҳакамни алмаштирган захира ҳаками “Сулавеси” дарвозасига яна бир пенальти белгилади. Бу вақтга келиб 9 киши билан ўйнаётган жамоа ҳакамнинг 11 метрлик нуқтани кўрсатганидан норози бўлиб ўйинни давом эттиришдан бош тортди ва уларга техник мағлубият ёзилди.
Индонезия футбол федерациясининг маълум қилишича, ҳакамни урган футболчи жазоланади. Шунингдек, ўйин ҳакамининг учрашувда чиқарган қарорлари юзасидан текширув ишлари олиб борилади.
Изоҳ (0)