Индонезия пойтахти Жакартада давлат хизматчиларининг ярмига яқини уйдан ишлай бошлади. Бу ҳукуматнинг транспорт тирбандлигини камайтириш ва ҳаво ифлосланишининг олдини олиш бўйича кўраётган чоралари билан боғлиқ.
Ҳеру шаҳри губернатори Буди Хартононинг буйруғига кўра, амалдорларнинг ярми масофавий ишлашга ўтиши керак, сентябрдан бошлаб октябрь ойининг охиригача эса уларнинг улуши 75 фоизгача ошади.
Бу чоралар давлат идоралари ходимларига тааллуқли бўлиб, шифохоналар, қутқарув ва ёнғин хавфсизлиги хизматлари, жамоат транспорти тизимида ишлайдиган ишчилар бундан мустасно, деб хабар бермоқда CNN.
10,5 миллион аҳоли истиқомат қиладиган Жакартада ҳаво сифати охирги кунларда сезиларли даражада ёмонлашди.
Швейцариянинг ҳаво сифатини ўрганувчи компанияси яқинда Индонезия пойтахтини дунёдаги энг ифлосланган шаҳар деб топганди.
Март ойида Хитой пойтахти Пекинда ҳам ҳавонинг ифлосланиши критик даражага етди ва нормадан тўққиз баравар ошиб кетгани хабар қилинганди.
Изоҳ (0)