Қозоғистон Тожикистоннинг Роғун гидроэлектр станциясидан электр энергиясини сотиб олмоқчи. Етказиб бериш Ўзбекистон энергетика тизими орқали транзит йўли билан амалга оширилади. Бу ҳақда Tengrinews хабар берди.
-RGHU8rX7.jpg)
Қозоғистон энергетика вазири Алмасадам Саткалиев ва Тожикистон бош вазири ўринбосари Усмонзода Усмонали тегишли масалани муҳокама қилган.
Роғун ГЭС электр энергиясини Қозоғистонга экспорт қилишнинг техник параметрлари ва тижорат шартларини кўриб чиқиш режалаштирилган, дейди Саткалиев.
2023 йилда томонлар Роғун ГЭСда ишлаб чиқариладиган электр энергиясини етказиб бериш бўйича ўзаро англашув меморандумини имзолаган. Шу билан бирга, транзит масаласини Ўзбекистон билан келишиш керак бўлади.
Аввалроқ Қозоғистон президенти Қосим-Жўмарт Тўқаев Тожикистонда Роғун ГЭС қурилишини “аср лойиҳаси” деб атаганди. Тожикистон Энергетика ва сув ресурслари вазирлиги у Марказий Осиёдаги энг йирик ГЭСга айланишини айтган. Ўзбекистон ҳам ёзда Роғун ГЭСдан электр энергия сотиб олишни режалаштирмоқда.
Изоҳ (0)