Хитойнинг “Шенчжоу-19” космик кемаси уч кишидан иборат экипаж, жумладан, мамлакатдаги биринчи космик муҳандис аёл билан орбитага чиқди. Бу ҳақда BBC хабар берди.
Уч нафар тайконафт Хитой шимолидаги Сзюсюан космодромидан муваффақиятли коинотга кўтарилди. Экипаж Хитой космик станциясидан 6 ой давомида тажрибалар ўтказиш ва очиқ космосга чиқиш учун база сифатида фойдаланади. Тайконафтлар 86 та илмий тажриба ўтказади. Улар орасида тиббиёт, биология, физика ва космик технологиялар ҳам бор.
“Пекин 2030 йилгача инсонни Ойга қўндириш бўйича келажакдаги миссияси учун тажриба ва разведка маълумотларини тўпламоқда”, деб ёзади BBC.
Икки йил олдин Хитой раиси Си Цзиньпин “улкан космосни ўрганиш, космик саноатни ривожлантириш ва Хитойни космик давлатга айлантириш — азалий орзумиз” деган эди.
Бироқ Вашингтондаги айрим мулозимлар буни ҳақиқий хавф сифатида кўрмоқда. 2024 йил бошида НАСА раҳбари Билл Нелсон АҚШ ва Хитой бу борада “мусобақалашаётганини” айтган. У Пекин космода ҳудудий даъволарни илгари суриши мумкинлигини билдирган.
Изоҳ (0)