Санкт-Петербург шаҳри Пейзажний кўчасидаги уй квартирасидан 19 ёшли асли ўзбекистонлик йигитнинг жасади топилди. Бу ҳақда “Фонтанка” хабар берди.
Маълум қилинишича, ҳодиса 27 октябрь куни содир бўлган. Марҳум юрак қисмида пичоқ жароҳати билан аниқланган. Полицияга ҳодиса ҳақида тунги соат 01:30 ларда хабар келиб тушган. Воқеа жойида ўзбекистонлик йигитнинг жасади топилган. У вояга етганидан икки ҳафта ўтгач, Россия паспортини олган.
Квартирада 20 ёшли петербурглик қиз ҳам бўлган. У ҳуқуқ-тартибот идораларига 26 октябрь куни йигит билан квартирани ижарага олгани ва кечқурун спиртли ичимлик устида келажак режаларини муҳокама қилганини айтган. Тахминларга кўра, қиз у билан яшамаслигини маълум қилган. Петербурглик қизнинг онаси воқеани тасдиқлаган, аммо тафсилотлар ҳақида гапиришдан бош тортган. Ҳозирда полиция воқеа тафсилотларини ўрганмоқда.
Изоҳ (0)