Россияда оғир вазиятга тушиб қолган она ва бола ўзбекистонга қайтарилди, деб хабар бермоқда “Дунё”.
![](/static/2024/09/11/kuy-dbk9XDIh.jpg)
Унга кўра, Новосибирск аэропортида Сибир пойтахтида оғир ҳаётий вазиятга тушиб қолган Ўзбекистон фуқаролари бўлган 17 ёшли бола ва унинг онасини ватанга кузатиш маросими бўлиб ўтди. Мамлакат Бош консулхонаси вояга етмаган боланинг Ўзбекистонга қайтиши учун зарур бўлган ҳужжатларини Россия томонидан талаб қилиб олишда тезкор кўмак кўрсатди. Натижада бола ўз онасига қайтарилди.
Улар “С7” авиакомпанияси самолётида Ўзбекистонга жўнаб кетган.
Шу кунларда Россиянинг турли ҳудудларида қаровсиз қолиб кетган 31 нафар бола Ўзбекистонга қайтарилган. 25 август куни 9 нафар бола, бундан аввал 22 нафар бола (13 нафари — Санкт-Петербург шаҳридан, 9 нафари — Москва шаҳридан, 8 нафари — Новосибирск шаҳридан, 1 нафари — Қозон шаҳридан олиб келинган) Ички ишлар вазирлиги вакиллари ҳамроҳлигида қайтарилди.
Изоҳ (0)