24 октябрь куни Абу-Дабида (БАА) Ultimaте Fighting Championship (UFC) жангчилари билан матбуот анжумани бўлиб ўтди. Унда промоушен раҳбари Дана Уайт ҳам иштирок этди.
Тадбир ўрталарида бир йигит Уайтга у билан шартнома имзолаш илтимоси билан мурожаат қилди. Маълумот учун, бундай тадбирлар, қоида тариқасида, ОАВ вакиллари учун жангчиларга саволлар бериш мақсадида ташкил этилади. Уайтдан жанг сўраган одам профессионал жангчи Доробшоҳ Наботов бўлиб чиқди. Дана Уайт унинг ёши, MMA’даги рекордини ҳақида сўради. Ўзининг таъкидлашича, MMA бўйича 9 та жангда ғалабага эришган. Tapology порталига кўра, 25 ёшли тожикистонлик еттита муваффақиятли жанг ўтказган.
Дана Доробшоҳни матчмейкерлар билан учраштириб қўйди. Энди у DWCС (Дана Уайт даъвогарлар серияси)да ўзини синаб кўради. Агар ғалаба қозона олса, UFC жангчисига айланади. Тожикистонлик аралаш яккакурашчи енгил вазн тоифаси вакили бўлиб, АSА Young Eagles, Ural FC, АМC Fight Nights каби Лигаларда жанг ўтказган.
Изоҳ (0)