24-oktyabr kuni Abu-Dabida (BAA) Ultimate Fighting Championship (UFC) jangchilari bilan matbuot anjumani bo‘lib o‘tdi. Unda promoushen rahbari Dana Uayt ham ishtirok etdi.
Tadbir o‘rtalarida bir yigit Uaytga u bilan shartnoma imzolash iltimosi bilan murojaat qildi. Ma’lumot uchun, bunday tadbirlar, qoida tariqasida, OAV vakillari uchun jangchilarga savollar berish maqsadida tashkil etiladi. Uaytdan jang so‘ragan odam professional jangchi Dorobshoh Nabotov bo‘lib chiqdi. Dana Uayt uning yoshi, MMA’dagi rekordini haqida so‘radi. O‘zining ta’kidlashicha, MMA bo‘yicha 9 ta jangda g‘alabaga erishgan. Tapology portaliga ko'ra, 25 yoshli tojikistonlik yettita muvaffaqiyatli jang o‘tkazgan.
Dana Dorobshohni matchmeykerlar bilan uchrashtirib qo‘ydi. Endi u DWCS (Dana Uayt da’vogarlar seriyasi)da o‘zini sinab ko‘radi. Agar g‘alaba qozona olsa, UFC jangchisiga aylanadi. Tojikistonlik aralash yakkakurashchi yengil vazn toifasi vakili bo‘lib, ASA Young Eagles, Ural FC, AMC Fight Nights kabi Ligalarda jang o‘tkazgan.
Izoh (0)