UFC бош директори Дана Уайт MMA афсонаси Конор Макгрегор 2025 йилда октагонга қайтишига ишонишини айтди.
“Жанг санаси ёки рақиб белгиланмаган. Лекин мен у 2025 йилда жанг ўтказишига ишонаман”, дея Дана Уайт сўзларидан иқтибос келтирган Chempionship Rounds Х ижтимоий тармоғида (собиқ Twitter).
Маълумот учун, Конор Макгрегор ўзининг сўнгги жангини 2021 йил 11 июль куни Лас-Вегасдаги UFC 264 турнирида ўтказган эди. Енгил вазн тоифасида америкалик Дастин Порье билан кечган жанг ирландиялик спортчининг мағлубияти ва оёғи синиши билан якунланганди.
Аввалроқ Макгрегор фаолиятини ҳали якунламаганини ва исталган вақтда октагонга қайтиши мумкинлигини айтганди.
Изоҳ (0)