UFC президенти Дана Уайт жанг вақтида рақибини тишлаган спортчини промоушендан ҳайдаб юборди.
UFC ESPN 53 турнирида Игор Северино ва Андре Лима ўртасида жанг бўлиб ўтди. Иккинчи раундда Северино рақибининг қўлини тишлаб олди ва бунинг учун у дисквалификация қилинди.
Шундан сўнг UFC президенти Северино билан шартномани бекор қилишини маълум қилди.
“Бу икки умидли, мағлубият нималигини билмаётган жангчилар қарама-қаршилиги эди. Агар сиз асабийлашсангиз ва жангдан воз кечмоқчи бўлсангиз, бунинг бошқа усуллари мавжуд. Лекин рақибни тишлаш энг ёмон вариантлардан биридир.
Энди спортчи ҳаётидаги энг катта имкониятни қўлдан бой берди. Ундан ташқари катта муаммолар бўлишини эслатиб ҳам ўтирмаслик керак”, — дейди Уайт.
Изоҳ (0)